1 Ñanepytyvõ jaevita hag̃ua umi provléma

Diana, pe kuñakarai ñañeʼẽma hague pe ótro artíkulope, ohechakuaa ojepyʼapyeterei rupi oñepyrũma hague omokõiterei. La Biblia ningo ndoproivíri jaʼuʼimi la vevída, péro omeʼẽ avei ñandéve ko konsého: “Aníkena reʼurasapa pe víno” (Proverbios 23:20, TNM). Umi hénte omokõrasáva ningo iprovléma jepi hogapýpe ha iñamigokuérandi, hasykatu ha káda áño oĩ hetaiterei omanóva upéva káusare. Umi hénte osegírire umi konsého oĩva la Bíbliape, ikatu vaʼerãmoʼã kuri oevita koʼã provléma.

Diana osegi vaʼekue ko konsého ha heʼi: “Ahechakuaa pe vevída nachepytyvõiha asolusiona hag̃ua umi mbaʼe chepyʼapýva. Upévare añehaʼã ajapo Filipenses 4:6, 7 heʼíva: ‘Ani pejepyʼapyeterei mbaʼevére, síno opa árape pemombeʼu Ñandejárape peipotáva’. Káda pyhare añemboʼe Jehovápe ha amombeʼu chupe mbaʼéichapa añeñandu. Haʼe chupe mbaʼépa la chemorrenegáva, mbaʼépa la hasyvéva chéve, umi mbaʼe chepyʼapýva, ha ajerure chupe tachepytyvõ chepositivave hag̃ua. Al día sigiénte, añehaʼãmbaite asegi chepositíva ha amboyke umi pensamiénto vai. Añemboʼévo Jehovápe ikatu añekonsentra umi mbaʼe arekóvare ha ndahaʼéi umi mbaʼe ndarekóivare. Ajedesidi núnka ndaʼumoʼãveimaha vevída, pórke amombaʼeterei pe trankilida arekóva ha ni mbaʼevéicharõ ndaperdesevéima upéva”.

Peteĩ persóna hekovaíva tuicha ojeperhudika ijupe voi ha ombosufri avei ótrope. Péro umi konsého oĩva la Bíbliape ikatu ñanepytyvõ jaevita hag̃ua koʼãichagua sufrimiénto, pórke omombeʼu ñandéve mbaʼépa ikatu ñandegueraha hína upévape. Por ehémplo ohechauka oĩ vaiha ñanovillea térã jahecha pornografía. Peteĩ mitãrusu hérava Samuel heʼi: “Chéve g̃uarã ningo ifasileterei vaʼekue la anovillea. Sapyʼánte ni ndachegustái peteĩ mitãkuña, péro ahechakuaárõ haʼe ojegustaha cherehe anovilleántema avei hese”. Sapyʼánte Samuel ni nonovilleái hína, péro entéronte heʼíma hese ojapoha upéva, upémarõ ojapóntema haʼe a propósito. Péro amo ipahápe omolesta chupe ikonsiénsia, ha heʼi: “Ivaieterei ningo la jaiko ñanovillea, pórke upéi ñapensa ñandejehéntema ha nañaneinteresavéima ótro oñandúva”.

Samuel olee kuri peteĩ artíkulo osẽva jw.org-pe. Avei opensa la heʼívare Proverbios 20:11: “Pe mitãrusu rembiapo rupi ojekuaáta heko ipotĩ ha naikarẽiha” (Ñande Ruete Ñeʼẽ Bíblia [ÑÑB]). ¿Mbaʼéichapa oipytyvõ chupe ko konsého? Haʼe ohechakuaa onovilleáramo nahekopotĩriha ha oho vaiha hína hese. Upévare heʼi: “Peteĩ mitãrusu ojepokuaáva ojapo upéicha ndoikomoʼãi peteĩ menarã. Ha añepyrũ apensa mbaʼéichapa oñeñandúta che rembirekorã cherecháramo anovilleaha hína peteĩ mitãkuñáre. Ahechakuaa ndahaʼeiha vyrorei upéva, ifásilramo jepe ñanovillea, upéva ndeʼiséi oĩ porãha jajapo”. Samuel okambia, ha upéva oipytyvõ chupe ani hag̃ua hekovai.

Antonio situasión katu ivaivéntema, haʼe oñenvisiaite vaʼekue pe pornografíare. Haʼe ningo ohayhueterei vaʼekue hembirekópe, péro lomímonte hoʼa jey jey vaʼekue ko ñuhãme. Haʼe ohechakuaa oipytyvõ hague chupe la heʼíva 1 Pedro 5:8: “Akóintekena pepensa hekoitépe ha peñatende meme. Cháke pene enemígo, pe Aña, okorre oikóvo pende jerére peteĩ león pochýicha ha oñehaʼã omokõ oimeraẽvape”. Antonio heʼi: “Oimehápe reiete koʼág̃a jahecha umi taʼanga tieʼỹ ha umíva opytaitéma ñane akãme. Péro pe téxto chepytyvõ apensa meme hag̃ua mávaguipa ou hína umi mbaʼe. Káda ke ahecha peteĩ taʼanga tieʼỹ, automátikamente añehaʼã apensa upéva ouha Satanásgui. Koʼág̃a aikuaa porã Jehová añoite ikatuha chemoarandu ha chepytyvõ aprotehe hag̃ua che akã, che korasõ ha che matrimónio”. Antóniope oñepytyvõ porã rupi hasypeve ikatu oheja ko vísio vaiete. Upéva mediánte ojehekýi heta provléma ivaivévagui.

Jahechakuaa upéicharõ la Biblia orekoha heta konsého ñanepytyvõva jaevita hag̃ua umi provléma. Péro, ¿mbaʼépa ikatu jajapo oiméramo oempeora la ñane provléma ha ndajaikuaái mbaʼéichapa ñasolusionáta? Jahechamína mbaʼéichapa Ñandejára Ñeʼẽ ikatu ñanepytyvõ umícha jave.