Eipurúkena nde rekove reservi hag̃ua Jehovápe

Ñande rekove ningo haʼe peteĩ rregálo iporãitereíva omeʼẽva ñandéve Jehová. Jaiko lájare jahechauka mbaʼeichaitépa ñamombaʼe ñande rekove. Entéro testígo de Jehová oñehaʼã oipuru ikapasida ha umi mbaʼe ojapokuaáva omombaʼeguasu hag̃ua Jehovápe (Sl 36:9; Apc 4:11). Péro umi mbaʼe ñambohováiva káda día ikatu hína ñandedistrae ha upévare ñambotapykue umi mbaʼe ikatúva jajapove Jehovápe g̃uarã (Mr 4:18, 19). Upévare iporã ñañeporandu: “¿Ameʼẽpa hína iporãnguete Jehovápe? (Os 14:2). ¿Noiméipa che traváho térã che estúdio chejoko hína aservi porãve hag̃ua chupe? ¿Mbaʼe métapa areko Jehová servísiope? ¿Mbaʼépa ikatu ajapo ambaʼapove hag̃ua Jehovápe g̃uarã?”. Rehechakuaáramo ikatuha reipuruve ne tiémpo Jehovápe g̃uarã, ejerure chupe tanepytyvõ ha ejapo umi kámbio tekotevẽva. Ñamombaʼeguasúramo Jehovápe káda día, javyʼa ha ñañeñandu porãiterei (Sl 61:8).

EHECHA PE VIDÉO OIPURU IKAPASIDA JEHOVÁ SERVÍSIOPE HA UPÉI EKONTESTA KOʼÃ PREGÚNTA:

• ¿Mbaʼérepa jaʼekuaa ñandevyroitereitaha jaipurúramo ñande kapasida ko múndope g̃uarã? (1Jn 2:17).

• ¿Mbaʼépa ohupyty umi oñehaʼãva omeʼẽ Jehovápe iporãnguete?

• ¿Mbaʼéichapa ikatu reipuru porãve nde kapasida Jehová servísiope?