JAIKO KRISTIÁNO TEÉICHA
Mitãrusu ha mitãkuña, ¿haʼépa Jehová ne amigoite?
¿Mbaʼeichagua persónapa nde reipota ne amigorã? Katuete reipota peteĩ ndofalláiva nendive, ivuénova ha imbaʼeporãva. Jehová ningo orekopaite koʼã kualida (Éx 34:6; Hch 14:17). Haʼe ohendu reñemboʼe jave chupe ha oĩ nepytyvõ hag̃uáicha reikotevẽ jave (Sl 18:19, 35). Avei Jehová neperdona refalla jave (1Jn 1:9). ¡Ajépa ivuenoite ñane amígo Jehová!
¿Mbaʼéichapa nde avei ikatu rejogua Jehovápe? Upearã reñehaʼã vaʼerã reikuaave chupe la Biblia rupive ha ejerovia hese (Sl 62:8; 142:2). Ehechauka remombaʼeha umi mbaʼe iñimportánteva Jehovápe g̃uarã, por ehémplo Itaʼýra, Irréino ha umi ipromésa porãite. Avei emombeʼu vaʼerã ótrope mbaʼéichapa Jehová (Dt 32:3). Reñemoag̃uírõ Jehováre, oikóta chugui ne amígo ha pe amista ndopamoʼãi arakaʼeve (Sl 73:25, 26, 28).
EHECHA PE VIDÉO MITÃRUSUKUÉRA: PETANTEA HA PEHECHA JEHOVÁ IVUENOHA, HA UPÉI ERRESPONDE KOʼÃ PORANDU:
¿Mbaʼéicha ikatu rejeprepara reñemeʼẽ hag̃ua Jehovápe ha rejevautisa?
¿Mbaʼéichapa ikatu nepytyvõ umi ermáno ne kongregasiongua reservi hag̃ua Jehovápe?
¿Mbaʼéichapa pe predikasión ikatu nemoag̃uive Jehováre?
Ikatu reiko Jehová amígoramo pára siémpre
¿Mbaʼe oportunidápa ikatu oñepresenta ndéve reservive hag̃ua Jehovápe?
¿Mbaʼépa la ndegustavéva Jehovágui?