Jaikuaave hag̃ua

GÉNESIS kapítulo 22 omombeʼu Ñandejára ojerure hague Abrahánpe oho hag̃ua mombyry hógagui ojapo peteĩ sakrifísio. Upépe heʼi: “Abrahán ohupi Isaac atiʼy ári la jepeʼa oraha hag̃ua. Upéi haʼe ojagarra peteĩ kyse ha ogueraha tata ojapo hag̃ua pe sakrifísio, ha osẽ oho hikuái oñondive” (Gén. 22:6, TNM).

La Biblia ndeʼíri mbaʼéichapa umi hénte yma guare ombojepota vaʼekue hata. Upéicharõ, ¿mbaʼéichapa Abrahán ha Isaac okonsegi pe tata oraha vaʼekue pe viáhepe? Peteĩ karai ostudiáva umi palávra oĩva la Bíbliape, heʼi “hasyetereiha pe tata hendy are hag̃ua pe viáhe pukukue”. Oime vaʼerã Abrahán ha itaʼýra oguerahapa raʼe umi mbaʼe oikotevẽva ojapo hag̃ua pe tata.

Péro oĩ avei heʼíva umi tiémpope ijetuʼu hague ojejatapy hag̃ua. Ifasilvénte kuri oñekonsegi jepeʼa ojepotapyrémava peteĩ vesínogui, ojeiko rangue ojejatapy. Heta karai ostudiáva umi palávra oĩva la Bíbliape, heʼi Abrahán ogueraha hague hendive peteĩ ollaʼi oñemosãva kadénape henyhẽva tatapỹigui (Is. 30:14). Upéi haʼe oiméne oipurúntema raʼe umi tatapỹi ha omoĩve jepeʼa ikatu hag̃uáicha ombojepota pe tata.