¿Iporãpa añemboʼe umi sántope?

No. La Biblia ohechauka ñañemboʼe vaʼerãha Ñandejárape añoite, Jesús rérape. Haʼe voi heʼi vaʼekue idisipulokuérape: “Peẽ peñemboʼe vaʼerã péicha: ‘Ore Ru reiméva yvágape, toñesantifika nde réra’” (Mateo 6:9, nóta). Jesús heʼi vaʼekue ñañemboʼe vaʼerãha Ñandejárape añoite, haʼe núnka ndeʼíriva ñañemboʼe vaʼerãha umi sántope, umi ánhelpe térã oimeraẽ ótra persónape.

Jesús heʼi vaʼekue avei idisipulokuérape: “Che hína pe tape, pe añetegua ha pe oporomoingovéva. Che rupive añoite ikatu oñeg̃uahẽ pe Túa rendápe” (Juan 14:6). Ñandejára omeʼẽ Jesúspe añoite pe autorida haʼe hag̃ua ñane Mediadór (Hebreos 7:25).

¿Ikatúpa añemboʼe Ñandejárape ha avei umi sántope?

Omeʼẽrõ guare umi Diez Mandamiénto Ñandejára heʼi vaʼekue: “Che, Jehová, nde Jára, aipota chéve añoiténte cheadora” (Éxodo 20:5). ¿Mbaʼépa heʼise upéva? Ñandejára oipotaha ñamombaʼeguasu chupe añoite, ha upévape oike avei pe ñemboʼe (Isaías 48:11).

Ñande ñañemboʼéramo umi sántope, umi ánhelpe térã oimeraẽ ótra persónape, Ñandejára oñeñandu vaietereíta upévare. Peteĩ vuéltape apóstol Juan oñesũ vaʼekue oadora hag̃ua peteĩ ánhelpe, péro pe ánhel heʼi chupe: “¡No! ¡Aníke ejapo upéva! Eadora Ñandejárape. Che ningo peteĩ esklávonte avei, nde ha ne ermanokuéraicha” (Apocalipsis 19:10).