-
‘Osyryha gotyo pe y entéro mbaʼe oikovéta’¡Ojeadora jey vove Jehovápe añoiténte!
-
-
10, 11. a) ¿Mbaʼeichagua vendisiónpa jarresivi koʼág̃arupi ojoguáva peteĩ rríope? b) ¿Mbaʼéichapa okakuaa avei pe y ipotĩva, amedída ke okakuaa ohóvo Ñandejára puévlo koʼã ára pahápe?
10 Peteĩ rrío henyhẽva vendisióngui. ¿Mbaʼe vendisión rehepa ñanemomanduʼa pe rrío osyrýva Jehová rógagui? Katuete oiméne ñanemomanduʼa entéro mbaʼe Jehová omeʼẽvare ha ideprovéchova ñandéve. Pe vendisión tuichavéva hína pe sakrifísio Jesucristo ojapo vaʼekue ñanderreskata hag̃ua. Upéva rupive Ñandejára operdona ñande pekadokuéra ha haʼete ñanepotĩva umívagui. Avei umi enseñánsa ipotĩva oĩva Ñandejára Ñeʼẽme haʼete y oporomoingovéva, upe y ikatu ñanemopotĩ entéro mbaʼégui (Efes. 5:25-27). ¿Jahechápa pe rrío osyryha hína koʼág̃arupi?
-
-
‘Osyryha gotyo pe y entéro mbaʼe oikovéta’¡Ojeadora jey vove Jehovápe añoiténte!
-
-
17 Peteĩ rrío henyhẽva vendisióngui. Umi vendisión jahecha vaʼekue koʼág̃a peve oñeʼẽva pe rrío rehe añetehápe iporãitereíma, péro vyrorei hína upéva ñambojojátarõ umi mbaʼe oguerútavare amo gotyove. Jesús Goviérno de Mil áño aja umi ifiélva tuichaitereive oñevenefisiáta pe rreskátegui, pórke ñanepytyvõta ndahaʼéi ñaime porã hag̃uánte Jehová renondépe, síno ñanepytyvõta avei físikamente. ¡Mbeguekatúpe jahupytýtama perfeksión! Ndaiporimoʼãvéima mbaʼasy, doktór, enferméro, ospitál ni segúro médiko. Pe y oporomoingovéva ovenefisiáta umi ojesalvátavape Armagedónpe. Haʼekuéra hína pe “aty guasu” “osẽva pe jehasa asy guasúgui” (Apoc. 7:9, 14). Upéicharõ jepe, iporãvéramo jepe koʼã vendisión osyry ñepyrũva peteĩ rríoicha, michĩetereíta oñekomparávo umi mbaʼe oikótavare upe rire. Pe rrío ojekuaáva Ezequiel visiónpe oguerúta hetave vendisión.
Pe paraísope enterove hesãita ha imitã jeýta, pe rrío oguerúta hetaiterei vendisión (Ehecha párrafo 17)
-
-
¡Peteĩ ysyry michĩgui oiko peteĩ rrío!¡Ojeadora jey vove Jehovápe añoiténte!
-
-
¡Peteĩ ysyry michĩgui oiko peteĩ rrío!
Ezequiel ohecha vaʼekue peteĩ rrío osẽva pe témplogui. Upe ysyry michĩ vaʼekue oñepyrũrõ guare péro ohupyty mboyve 2 kilómetro, oikóma chugui peteĩ rrío ipypukuetereíva. Pe rrío orílla pukukuére haʼe ohecha heta yvyramáta iporã porãva, hiʼa hetáva ha hogue ojepurúva pohãrã. ¿Mbaʼépa heʼise upéva?
Pe rrío oguerúva heta vendisión
YMA: Umi oĩ vaʼekue prisionéro orresivi heta vendisión ou jeýrõ guare hetãme, pórke oipytyvõ hikuái ojeadora jey hag̃ua Jehovápe pe témplope
KOʼÁG̃ARUPI: Áño 1919-pe oñepyrũ jey ojeadora Jehovápe haʼe oipotaháicha, ha péicha jareko oportunida jarresivívo heta mbaʼe ñanepytyvõva jaadora hag̃ua Jehovápe haʼe oipotaháicha ha jahupyty pe vída etérna
AMO GOTYOVE: Armagedón rire Jehová ñanevendesíta heta hendáicha. Haʼe ñanepytyvõta jahupyty hag̃ua perfeksión ha ñanemboʼéta umi enseñánsa verdadéra ipyahúva
-