LEKSIÓN 45
¿Mbaʼéichapa ikatu jaapoja Jehová Goviérno añoite?
Jesús heʼi vaʼekue isegidorkuéra ndoikói vaʼerãha “umi hénte ko mundopegua oikoháicha” (Juan 15:19). Upéva heʼise jaapoja vaʼerãha Ñandejára Goviérno añoite, ha nañañentremetéi ko múndore. Por ehémplo, ndajaikéi polítikape ni ndajaapojái umi gérra. Péro sapyʼánte ikatu hína ijetuʼu upéva, ha ikatu voi oĩ oñembohorýva ñanderehe upéicha rupi. ¿Mbaʼépa jajapo vaʼerã ani hag̃ua ñañentremete ko múndore ha jaapoja hag̃ua Ñandejára Jehovápe añoite?
1. ¿Mbaʼépa opensa umi kristiáno tee umi goviérno umánore?
Ñande kristiáno ningo jarrespeta umi goviérno. Jesús heʼi vaʼekue voi: “Pemeʼẽ Césarpe la okorrespondéva chupe”. Upéva heʼise ñakumpli vaʼerãha umi léi oĩva ñande paíspe ha japaga umi impuésto (Marcos 12:17). La Biblia heʼi umi goviérno orekoha ijautorida Jehová opermitíguinte chupekuéra (Romanos 13:1). Upévare ñantende porã Ñandejára orekoha hetave autorida chuguikuéra. Ha ñahaʼarõitereíma haʼe osolusiona umi provléma oĩva ko múndope Irréino rupive.
2. ¿Mbaʼéichapa ikatu jahechauka jaapojaha Ñandejára Goviérno añoite?
Ñande jasegi Jesús ehémplo ha upévare nañañentremetéi polítikare. Peteĩ vuéltape, umi hénte ohecha rire peteĩ milágro Jesús ojapóva, oipota vaʼekue oiko chugui rréi. Péro haʼe nopermitíri chupekuéra upéva (Juan 6:15). Haʼe voi oexplika vaʼekue mbaʼérepa, heʼírõ guare: “Che Rréino ndahaʼéi ko mundopegua” (Juan 18:36). Ñande ningo Jesús segidór, upévare jahechauka avei heta hendáicha jaapojaha Ñandejára Goviérno añoite. Upévare ndajahái gerrahápe (elee Miqueas 4:3). Jarrespeta umi mbaʼe orrepresentáva peteĩ paíspe, por ehémplo pe vandéra, péro ni mbaʼevéicharõ nañamombaʼeguasúi umíva (1 Juan 5:21). Avei nañakontreái ni ndajaapojái umi partído polítiko ha ikandidatokuérape. Péicha ha hetave hendáicha jahechauka hína jaapojaha Ñandejára Rréino térã Igoviérno añoite.
EJEPYʼAMONGETAMÍNA
Jahechamína mbaʼéicha javépa ikatu hína ijetuʼu ani hag̃ua ñañentremete ko múndore, ha mbaʼéichapa ikatu rembovyʼa Jehovápe umi mbaʼe redesidívare.
3. Umi kristiáno tee noñentremetéi ko múndore
Jesús ha idisipulokuéra oheja vaʼekue ñandéve peteĩ ehémplo iporãitereíva. Elee Romanos 13:1, 5-7 ha 1 Pedro 2:13, 14. Upéi ehecha pe VIDÉO, ha erresponde koʼã porandu:
¿Mbaʼérepa jarrespeta vaʼerã umi goviérnope?
¿Mbaʼéichapa ikatu jahechauka ñañemoĩha ipoguypekuéra?
Oiko jave peteĩ gérra, sapyʼánte oĩ jepi umi país heʼíva ndoapojaiha upe gérra. Péro añetehápe oipytyvõ umi mokõi país oñorairõvape oñondive. ¿Mbaʼépa ojapo vaʼerã umi kristiáno tee upéicha jave? Elee Juan 17:16. Upéi ehecha pe VIDÉO, ha erresponde ko porandu:
¿Mbaʼéichapa ikatu jahechauka nañaĩriha maavéa ládope?
Péro, ¿mbaʼépa oikóta pe goviérno ojeruréramo ñandéve jajapo hag̃ua álgo Ñandejára ndoipotáiva? Elee Hechos 5:28, 29. Upéi ehecha pe VIDÉO, ha erresponde koʼã porandu:
Umi goviérno omoĩramo peteĩ léi ohóva Ñandejára heʼíva kóntrape, ¿mávapepa ñaneñeʼẽrendu vaʼerã?
¿Mbaʼéicha javépa nde repensa umi kristiáno ndojapói vaʼerãha la heʼíva umi goviérno?
4. Umi mbaʼe ñapensáva ha jajapóva
Elee 1 Juan 5:21. Upéi ehecha pe VIDÉO, ha erresponde koʼã porandu:
Según pe vidéo, ¿mbaʼérepa Ayenge odesidi ndoapojamoʼãiha peteĩ partído polítiko ha nomombaʼeguasumoʼãiha pe vandéra?
¿Ndépa ere odesidi porã hague?
¿Mbaʼéicha javépa ikatu avei ijetuʼu ani hag̃ua ñañentremete ko múndore? Ehecha pe VIDÉO, ha upéi erresponde koʼã porandu:
¿Mbaʼéichapa ikatu jahechauka nañañentremeteiha ko múndore ojehuga jave peteĩ partído internasionál?
¿Mbaʼéichapa ikatu jahechauka nañañentremeteiha polítikare ojedesidítaramo jepe peteĩ mbaʼe ikatúva ñanepytyvõ térã ñandeperhudika?
Oĩ heta notisiéro ha prográma oñeʼẽtereíva polítikare ha oĩ avei heta hénte pyʼỹinte ojapóva upéva, ¿mbaʼérepa ndajahejái vaʼerã koʼã mbaʼe ñandeafekta?
¿Mbaʼéicha javépa umi kristiáno ohechauka vaʼerã umi mbaʼe opensáva ha ojapóva rupive oapojaha Jehová Goviérno añoite?
OĨRAMO OPORANDÚVA: “¿Mbaʼére peẽ ndapejeafiliái peteĩ partído polítikope?”.
¿Mbaʼépa errespondéne chupe?
RRESÚMEN
Ñande kristianokuéra ñañehaʼãmbaite ani hag̃ua ñañentremete polítikare, tahaʼe umi mbaʼe ñapensáva, jaʼéva térã jajapóvape.
Rrepáso
¿Mbaʼe rresponsavilidápa ñakumpli vaʼerã umi goviérnondi?
¿Mbaʼérepa nañañentremetéi polítikare?
¿Mbaʼéicha javépa ikatu hína ijetuʼu ani hag̃ua ñañentremete ko múndore?
EINVESTIGA HAG̃UA
¿Mbaʼe sakrifísiopa tekotevẽta sapyʼánte jajapo ani hag̃ua ñañentremete polítikare?
¿Mbaʼéichapa ikatu umi família ojeprepara ani hag̃ua ni mbaʼevéicharõ oñentremete ko múndore?
Oĩ opensáva ifanátiko ha odefende vaʼerãha hetã, ¿mbaʼérepa ikatu jaʼe upéva ndahaʼeiha la iñimportantevéva?
Ehechamína mbaʼéichapa ikatu jahechauka nañañentremeteiha ko múndore jaiporavóta jave ñande travahorã.
“Káda uno oñerresponsavilisáta ikárgare” (La Atalaya 15 de marzo de 2006)