Eipytyvõkena ne kongregasión oĩ hag̃ua unído

Javyʼaiterei ningo ñaime jave ñane ermanokuérandi. Heʼi haguéicha rréi David: “Ajépa iporã ha igustoite umi ermáno oiko porãrõ oñondivepa peteĩ famíliaicha” (Salmo 133:1). Péro jaiko hag̃ua unído peteĩ famíliaicha ñane kongregasiónpe, káda uno ñamoĩ vaʼerã ñande párte.

1. ¿Mbaʼépa ojehecharamoiterei Jehová siervokuéra apytépe?

Rehóramo rreunionhápe ótro paíspe, rehechakuaáta nerentendéiramo jepe pe idióma reñeñandutaha nde rogapeguáicha. ¿Mbaʼérepa? Pórke oparupiete jaipuru la mísma informasión jastudia hag̃ua la Biblia, ha enterovéva ñañehaʼã jajoayhu. Tahaʼe haʼéva pe lugár jaikoha, ñande ñamombaʼeguasu Jehová réra ha jaadora chupe peteĩ ñeʼẽme (Sofonías 3:9).

2. ¿Mbaʼépa ikatu nde rejapo ne kongregasión oĩ hag̃ua unído?

La Biblia heʼi: “Pejoayhuetereíkena pende pyʼaite guive” (1 Pedro 1:22). Upearã eñekonsentra vaʼerã umi kualida porã orekóvare ermanokuéra, ha ani idefektokuérare. Oiméne revyʼa ne amigokuérandi pórke pendegusta la mísma kósa, péro eñehaʼãkena avei ehasa tiémpo umi ermáno idiferéntevandi ndehegui. Avei etratákena enterovépe peteĩchapa, ha ani eapoʼi avavépe idiferénte haguére ndehegui (elee 1 Pedro 2:17).a

3. ¿Mbaʼépa rejapóta rejoavýramo peteĩ ermáno térã ermánandi?

Ñande ningo peteĩ família. Péro ñaneimperfékto rupi sapyʼánte ñamoñeñandu vai ñane ermanokuérape, térã haʼekuéra ñandéve. Upévare Ñandejára Ñeʼẽ heʼi: “Pesegíkena peñoaguanta ha peñoperdona […]. Jehová peneperdona haguéicha ipyʼaite guive, peẽ pejapo vaʼerã avei upéicha” (elee Colosenses 3:13). Ñande ningo hetaiterei vésema jajapo umi mbaʼe omoñeñandu vaíva Jehovápe, péro haʼe siémpre ñaneperdona. Upévare ohaʼarõ ñande avei jajapo upéicha. Rehechakuaáramo rejapo hague álgo omoñeñandu vaíva peteĩ ermáno térã ermánape, ejapókena nde raẽvete la tekotevẽva peiko porã jey hag̃ua (elee Mateo 5:23, 24).b

EJEPYʼAMONGETAMÍNA

4. Eñehaʼãkena etrata enterovépe peteĩchapa

Ñande ñañehaʼã jahayhu entéro ñane ermanokuérape. Péro ikatu oime ijetuʼuve jahayhu hag̃ua umi idiferentetévape ñandehegui. ¿Mbaʼépa ikatu ñanepytyvõ? Elee Hechos 10:34, 35, ha upéi erresponde koʼã porandu:

• Jehová otrata peteĩchapa entéro umi oservisévape chupe tahaʼe haʼéva ikultúra. Upéicharõ, ¿mbaʼéichapa rehecha ha retrata vaʼerã umi idiferéntevape ndehegui?

• ¿Oĩpa nde reikohápe hénte oapoʼíva hapichápe idiferénte rupi chuguikuéra? ¿Mbaʼérepa naiporãmoʼãi nde avei epensa haʼekuéraicha?

Elee 2 Corintios 6:11-13, ha upéi erresponde ko porandu:

• ¿Mbaʼépa ikatu rejapo rehayhuve hag̃ua entéro umi ermáno ha ermanakuérape?

5. Eperdonákena ermanokuérape ha eiko porã hendivekuéra

Jehová siémpre ñaneperdona ipyʼaite guive, hiʼarive haʼe ndofallái ha núnka noikotevẽmoʼãi ñaperdona chupe. Elee Salmo 86:5, ha upéi erresponde koʼã porandu:

• ¿Mbaʼépa ñanemboʼe Jehovágui ko téxto?

• ¿Mbaʼéichapa reñeñandu reikuaávo Jehová ñaneperdonaseha? ¿Mbaʼérepa reñeñandu upéicha?

• ¿Mbaʼéicha javépa ikatu ijetuʼu jajogueraha porã hag̃ua ñande rapichakuérandi?

¿Mbaʼéichapa ikatu jasegi Jehová ehémplo ha jajogueraha porã ñane ermáno ha ermanakuérandi? Elee Proverbios 19:11, ha upéi erresponde ko porandu:

• Oĩramo nemolestáva térã neofendéva, ¿mbaʼépa ikatu rejapo ani hag̃ua rembyaipave la situasión?

Sapyʼánte ñaofende jepi ótrope, ¿mbaʼépa ikatu jajapo upéicha jave? Ehecha pe VIDÉO, ha upéi erresponde ko porandu:

VIDÉO: Ñañehaʼãmbaitékena jaiko pyʼaguapýpe enterovéndi (6:01)

• Ohechaukaháicha pe vidéo, ¿mbaʼépa ojapo pe ermána oiko porã jey hag̃ua iñamígandi?

6. Eñekonsentrákena umi kualida porã orekóvare ermanokuéra

Jaikuaa porãvévo ñane ermanokuérape jahechakuaáta umi kualida porã orekóva hikuái, péro avei idefektokuéra. ¿Mbaʼépa ikatu jajapo ñañekonsentra hag̃ua umi kualida porãrente? Ehecha pe VIDÉO, ha upéi erresponde ko porandu:

VIDÉO: Jahechákena umi mbaʼe porã ñane ermanokuérare (5:10)

• ¿Mbaʼépa nepytyvõta rejesareko hag̃ua umi kualida porã orekóvare umi ermáno ha ermanakuéra?

Jehová siémpre oñekonsentra umi kualida porãrente. Elee 2 Crónicas 16:9a, ha upéi erresponde ko porandu:

• ¿Mbaʼéichapa reñeñandu reikuaávo Jehová oñekonsentraha umi kualida porã nde reguerekóvare?

RRESÚMEN

Nde ikatu reipytyvõ ne kongregasión oĩ hag̃ua unído. Upearã reime vaʼerã reperdona hag̃uáicha enterovépe, ha ehechauka ehayhuha opaichagua ermáno ha ermánape.

Rrepáso

• ¿Mbaʼépa ikatu rejapo rehecha ha retrata hag̃ua enterovépe peteĩchapa?

• ¿Mbaʼépa rejapóta peichahágui rejoavýramo peteĩ ermáno térã ermánandi?

• Jehová ningo siémpre oĩ ñaneperdona hag̃uáicha, ¿mbaʼérepa nde esegise iñehémplo?

EINVESTIGA HAG̃UA

Ehecha mbaʼéichapa peteĩ ehémplo Jesús oipuru vaʼekue ohechauka ndovaleiha jahusga ñande rapichakuérape.

¡Enohẽ pe víga nde reságui! (6:56)

¿Tekotevẽpa jajerure perdón ñapensáramo jepe ndajafallái hague?

“Jajerure perdón ñaĩ hag̃ua pyʼaguapýpe” (La Atalaya 1 de noviembre de 2002)

Ehechamína mbaʼéichapa unos kuánto ermáno oaprende otrata vaʼerãha enterovépe peteĩchapa.

Aníkena japorohusga umi mbaʼe jahechávarente (5:06)

Ehecha mbaʼéichapa ikatu esolusiona peteĩ provléma erekóva ótrondi upéva operhudika mboyve pe kongregasiónpe.

“Jaikókena pyʼaguapýpe ñane ermanokuérandi” (Ñemañaha mayo de 2016)