¿Mbaʼépa oiko ñandehegui ñamano rire?

¿Omanómapa ndehegui peteĩ persóna rehayhuetereíva? Oiméramo upéicha reikuaaséne: “¿Mbaʼépa oime oiko chugui raʼe? ¿Ikatúne piko ahecha jey chupe?”. Ko leksiónpe ha pe oúvape jahecháta mbaʼéichapa pe rrespuésta omeʼẽva la Biblia ñanekonsola.

1. ¿Mbaʼépa oiko umi omano vaʼekuégui?

Jesús heʼi vaʼekue peteĩ persóna omanóva ojoguaha álgien oketévape. ¿Mbaʼérepa ojapo vaʼekue upe komparasión? Peteĩ persóna oketéva ningo ni noñandúi la oikóva ijerére. Upéicha avei peteĩ omanóva noñandúi mbaʼevete ni ndosufríri. Katuete pe persóna omano vaʼekue ohayhueterei kuri ihénte ha iñamigokuérape, péro omano rire noñanduvéima mbaʼevete. La Biblia heʼi voi: “Umi omanómava ndoikuaavéima mbaʼevete asy” (elee Eclesiastés 9:5).

2. ¿Mbaʼéichapa ñanepytyvõ jaikuaávo mbaʼépa oiko umi omanóvagui?

Heta hénte okyhyje omanóramo g̃uarã ha umi omanóvagui jepe. Péro tuichaiterei nekonsoláta reikuaávo la Biblia heʼíva umi omano vaʼekuére. Jesús heʼi vaʼekue: “Peẽ peikuaáta pe añetegua ha upéva omeʼẽta peẽme liverta” (Juan 8:32). Oĩ rrelihión omboʼéva peteĩ persóna omano rire hiʼálma osegiha oiko ótro ládo, péro la Biblia nomboʼéi upéva. Síno heʼi umi omanóva noñanduveimaha mbaʼevete ha ndosufririha, upévare ndaikatúi ojapo ñanderehe mbaʼeve hikuái. Upéicharõ añetehápe natekotevẽi ñañemboʼe umi omanóvare ni jasegi umi kostúmbre ojejapóva hesehapekuéra.

Oĩ heʼíva ikatuha oñekomunika umi omano vaʼekuéndi, péro añetehápe upéva ndaikatúi oiko. Pórke ñaaprende haguéicha angete umi omanóva “ndoikuaavéima mbaʼevete asy”. Umi heʼíva oñekomunikaha umi omano vaʼekuéndi legálmente oñeʼẽ hína umi demóniondi, pórke haʼekuéra ikatu ojapo haʼeramoguáicha upe persóna. Upéicharõ jaikuaávo mbaʼépa añetehápe oiko umi omano vaʼekuégui jajeprotehe avei umi demóniogui. Jehová ñandeavisa ani hag̃ua ñañekomunikase umi omano vaʼekuéndi, pórke jajapóramo upéicha añetehápe ñañekomunika umi demóniondi diréktamente, ha haʼekuéra ñandeperhudikaseterei (elee Deuteronomio 18:10-12).

3. Mbaʼépa añetehápe oiko umi omano vaʼekuégui

Heta mbaʼe ningo ojeʼe jepi oikoha umi omano vaʼekuégui, ha umi kreénsia idiferentete rupi ojuehegui ndaikatúi jaʼe siertoha.

• Upe nde reikoha gotyo, ¿mbaʼépa ojeʼe jepi oikoha umi omano vaʼekuégui?

VIDÉO: ¿Mbaʼépa oiko umi omano vaʼekuégui? (Vidéo mbykyvéva) (1:19)

Elee Eclesiastés 3:20, ha upéi erresponde koʼã porandu:

• Según ko téxto, ¿mbaʼépa oiko peteĩ persónagui omano rire?

• ¿Osegípa oikove ñane álma térã ñande espíritu ñamano rire?

La Biblia omombeʼu ñandéve mbaʼépa oiko vaʼekue omanórõ guare peteĩ Jesús amigoite hérava Lázaro. Elee Juan 11:11-14, ha ehecha mbaʼe komparasiónpa Jesús oipuru heʼi hag̃ua Lázaro omano hague. Upéi erresponde koʼã porandu:

• ¿Mbaʼe rehepa okompara Jesús pe ñemano?

• ¿Mbaʼéichapa upe komparasión ñanepytyvõ ñantende hag̃ua mbaʼéichapa oĩ umi omano vaʼekue?

• ¿Ndépa ere isentidoha la Biblia heʼíva ko témare?

4. Tuicha ñanepytyvõ jaikuaávo mbaʼépa añetehápe oiko umi omano vaʼekuégui

Jaikuaávo mbaʼépa añetehápe oiko umi omano vaʼekuégui ndajakyhyjevéima chuguikuéra. Elee Eclesiastés 9:10, ha upéi erresponde ko porandu:

• ¿Ikatúpa umi omanóva ojapo álgo ñanderehe?

Jaikuaávo la verda oĩva la Bíbliape ndajagueroviamoʼãi umi japu ojeʼéva jepi ojejapo vaʼerãha umi omanóva rehehápe. Elee Isaías 8:19 ha Apocalipsis 4:11, ha upéi erresponde ko porandu:

• ¿Mbaʼéichapa oñeñandu Jehová ohechávo la hénte oñemboʼeha umi omano vaʼekuépe?

5. Tuicha ñandepyʼaguapy jaikuaávo mbaʼépa añetehápe oiko umi omano vaʼekuégui

Oĩ rrelihión omboʼéva umi hénte hembiapo vaíva heta osufritaha omano rire. Péro tuicha ñandepyʼaguapy jaikuaávo umi omanóva ndosufririha, tahaʼe jepe raʼe peteĩ persóna ojapóva peteĩ mbaʼe ivaietereíva. Elee Romanos 6:7, ha upéi erresponde ko porandu:

• La Biblia heʼi peteĩ persóna omano vove Ñandejára operdonamaha chupe ipekadokuéra, upéicharõ ¿isentídopa ojekastiga chupe omano rire umi mbaʼe vai ojapo vaʼekuére?

Amáske jaikuaa Jehovápe ñaime segúro haʼe ndokastigaiha umi omanóvape. Elee Deuteronomio 32:4 ha 1 Juan 4:8, ha upéi erresponde koʼã porandu:

• Koʼã téxto ohechauka Ñandejára orekoha heta kualida iporãva, ¿ikatúnepa upéicharõ haʼe okastiga umi omanóvape?

• ¿Ndepyʼaguapyvépa koʼág̃a reikuaávo mbaʼépa la Biblia heʼi oikoha umi omano vaʼekuégui? ¿Mbaʼérepa?

RRESÚMEN

Peteĩ persóna omano rire hiʼálma ndosegíri oikove ótro ládo. Umi omanóva ndosufríri ha ndaikatúi ojapo ñanderehe mbaʼeve.

Rrepáso

• ¿Mbaʼépa oiko umi omano vaʼekuégui?

• ¿Mbaʼéichapa ñanepytyvõ jaikuaávo mbaʼépa añetehápe oiko umi omano vaʼekuégui?

• ¿Mbaʼéichapa ñanembopyʼaguapy jaikuaávo mbaʼépa añetehápe oiko umi omano vaʼekuégui?

EINVESTIGA HAG̃UA

¿Mbaʼépa heʼise pe palávra “álma”? ¿Mbaʼéichapa ojepuru jepi upéva la Bíbliape?

“¿Mbaʼépa pe álma?” (Artíkulo oĩva jw-pe)

Ehechamína siértopa Ñandejára oipuruha pe infiérno okastiga hag̃ua umi hénte hembiapo vaívape.

¿Ojekastigápa umi omano vaʼekuépe pe infiérnope? (3:07)

¿Jakyhyje vaʼerãpa umi omano vaʼekuégui?

Espíritus de difuntos... ¿pueden ayudar a uno?, ¿o causarle daño? ¿Existen, realmente? (Folléto)

Ehecha mbaʼéichapa peteĩ karai tuicha ipyʼaguapy oikuaávo mbaʼépa añetehápe oiko ñandehegui ñamano rire.

“La Biblia okontesta chéve umi mbaʼe aikuaaséva” (Ñemañaha 1 de febrero de 2015)