¿Mbaʼérepa oĩ hetaite sufrimiénto?

Oiko jave peteĩ trahédia térã desgrásia la hénte oikuaase jepi: “¿Mbaʼére piko oiko koʼã mbaʼe?”. La Biblia orresponde porã ko porandu, ¡ha upéva tuichaiterei ñanekonsola!

1. ¿Mbaʼépa ojapo vaʼekue Satanás oñepyrũ hag̃ua oĩ heta mbaʼe vai?

Satanás opuʼã vaʼekue Ñandejárare ha orekose enterovépe ipoguýpe. Upévare omomýi vaʼekue Adán ha Évape opuʼã hag̃ua avei Ñandejárare, ha upearã ijapu Évape (Génesis 3:1-5). Satanás oipota kuri haʼe opensa Jehová ndoipotaiha odisfruta hikuái álgo iporãvagui, ha la hénte ovyʼavetaha naiñeʼẽrendúiramo Ñandejárape. Satanás haʼe vaʼekue pe primero ijapúva heʼírõ guare Évape nomanomoʼãiha. Upévare Juan 8:44 heʼi voi hese: “Haʼe ijapueterei ha haʼe voi pe japu ruvicha”.

2. ¿Mbaʼépa odesidi Adán ha Eva?

Jehová ningo omeʼẽ vaʼekue Adán ha Évape oĩva entéro. Ha heʼi chupekuéra ikatuha hoʼu umi yvyramáta hiʼávagui oĩva pe hardín de Edénpe, peteĩ rehe añoite la ndopokói vaʼerã kuri (Génesis 2:15-17). Péro haʼekuéra odesidi lomímonte hoʼutaha pe yvyramátagui. Eva “ipojái hese ha hoʼu”, ha upéi Adán “hoʼu avei” (Génesis 3:6). Mokõivévante naiñeʼẽrendúi Ñandejárape. Adán ha Eva ningo perfékto vaʼekue, upévare ifásil kuri chupekuéra ojapo hag̃ua iporãva. Péro haʼekuéra voi odesidívo naiñeʼẽrendumoʼãiha, opeka ha ohechauka ndoipotaiha Ñandejára ogoverna chupekuéra. Ha upéva káusare hetaiterei osufri hikuái (Génesis 3:16-19).

3. ¿Mbaʼéichapa ñandeafekta la ojapo vaʼekue Adán ha Eva?

Adán ha Eva opeka rire, oiko chuguikuéra imperfékto ha upéi ombohasa pe imperfeksión entéro ifamiliarépe. La Biblia heʼi voi Adán rehe: “Peteĩ kuimbaʼe rupive pe pekádo oike ko múndope, ha pe ñemano oike pekádo rupive. Upéicha pe ñemano ohupyty entéro persónape pórke enterovéva opeka” (Romanos 5:12).

Oĩ ningo heta mbaʼe ñanembosufríva. Por ehémplo jasufri jadesidi vai rupi, térã ótro odesidi vai ha upéva ñandeafekta. Ha avése katu jasufri ñaime rupi kavalete oiko jave peteĩ desgrásia (elee Eclesiastés 9:11).

EJEPYʼAMONGETAMÍNA

4. ¿Máva káusarepa jasufri?

Heta hénte oguerovia Ñandejára ogovernaha ko múndo, ¿siértopa upéva? Ehecha pe VIDÉO.

VIDÉO: ¿Mávapa ogoverna ko múndo? (1:24)

Elee Santiago 1:13 ha 1 Juan 5:19, ha upéi erresponde ko porandu:

• ¿Ñandejára káusarepa oĩ hetaite mbaʼe vai ha sufrimiénto?

5. ¿Mbaʼe mbaʼépa oiko ko múndope Satanás oñepyrũ guive ogoverna?

VIDÉO: ¿Mbaʼérepa Ñandejára oheja jasufri? (Vidéo mbykyvéva) (3:07)

Elee Génesis 3:1-6, ha upéi erresponde koʼã porandu:

• ¿Mbaʼe japúpa heʼi vaʼekue Satanás? (Ehecha jey versíkulo 4 ha 5).

• ¿Mbaʼépa ojapo Satanás oñepensa hag̃ua Jehová ndoipotaiha jadisfruta álgo iporãvagui?

• ¿Mbaʼéichapa Satanás ontendeka nañaikotevẽiha Jehová ñanegoverna javyʼa hag̃ua?

Elee Eclesiastés 8:9, ha upéi erresponde ko porandu:

• ¿Mbaʼépa oiko Jehová nogovernái rupi ko múndo?

1. Adán ha Eva haʼe vaʼekue perfékto ha oiko kuri peteĩ paraísope, péro haʼekuéra opena Satanás rehe ha opuʼã Jehová kóntrape

2. Adán ha Eva opeka rire, opárupi oĩ hetaiterei hénte osufríva, opekáva ha omanóva

3. Jehová oipeʼaitéta pe pekádo ha ndaiporimoʼãvéima osufríva ni omanóva. Upe rire, yvyporakuéra perfékto jeýta ha oikóta peteĩ paraísope

6. Jehová ombyasy ohecha jave jasufriha

¿Siértopa Ñandejára ombyasy ohecha jave jasufriha? Ehechamína la heʼi vaʼekue rréi David ha apóstol Pedro. Elee Salmo 31:7 ha 1 Pedro 5:7, ha upéi erresponde ko porandu:

• ¿Mbaʼéichapa reñeñandu reikuaávo Jehová ojepyʼapyha káda únore jasufri jave?

RRESÚMEN

Entéro umi mbaʼe vai oĩva ko múndope oiko prinsipálmente Satanás ha Adán ha Eva káusare. Jehová katu ojepyʼapyeterei ñanderehe jasufri jave ha koʼẽrõitéma oipeʼaitéta pe sufrimiénto ko múndogui.

Rrepáso

• ¿Mbaʼe japúpa heʼi vaʼekue Satanás Évape?

• ¿Mbaʼéichapa ñandeperhudika Adán ha Eva opuʼã haguére Ñandejárare?

• ¿Mbaʼéichapa jaikuaa Jehová ombyasyha ohecha jave jasufriha?

EINVESTIGA HAG̃UA

Ehecha mbaʼépa heʼi la Biblia pe pekádore.

“¿Mbaʼépa hína pe pekádo?” (Artíkulo oĩva jw-pe)

¿Mbaʼépa ojapo vaʼekue Satanás pe hardín de Edénpe ñandeafektáva koʼág̃a peve?

“¿Mbaʼérepa Ñandejára oheja jasufri?” (La Atalaya 1 de enero de 2014)

Ehecha mbaʼépa oaprende peteĩ karai la Biblia heʼívagui pe sufrimiéntore.

Koʼág̃a naimevéima cheaño (5:09)

Ñande ningo japeka, jasufri ha ñamano pórke ñande tuakuéra ypykue naiñeʼẽrendúi Ñandejárape.a ¿Heʼisépa upéva ndajarekoveimaha esperánsa? Nahániri. Jehová omeʼẽ jey ñandéve la oportunida jajei hag̃ua pekádo ha ñemano poguýgui Cristo Jesús rupive. La Biblia ñanemboʼe Jesús omano hague ñanderehehápe ha péicha ñanderreskata. Péro, ¿mbaʼépa heʼise rreskáte? Upéva haʼe hína pe présio ojepagáva ojelivera hag̃ua peteĩ persónape, ha Jesús ojapo upéva omeʼẽvo hekove perfékto (elee Mateo 20:28). Jesús ikatu kuri oiko pára siémpre ko yvy ape ári, péro odesidi rupi ijeheguiete omeʼẽ hekove ñanderehehápe, enterove jareko oportunida jarrekuperávo umi mbaʼe Adán ha Eva operde vaʼekue. Ojapóvo upéva, Jesús ohechauka mbaʼeichaitépa haʼe ha Itúa Jehová ñanderayhu. Ko leksión ñanepytyvõta ñamombaʼeve hag̃ua Jesús sakrifísio.

1. ¿Mbaʼéichapa ñanepytyvõ koʼág̃a peve Jesús sakrifísio?

Ñaneimperfékto rupi jajapo jepi heta mbaʼe ndogustáiva Ñandejárape. Péro lomímonte ikatu oiko ñandehegui iñamígo ñañarrepentírõ umi mbaʼe vai jajapo vaʼekuégui, jajeruréramo chupe ñaneperdona hag̃ua Cristo Jesús rupive ha ñañehaʼãmbaitéramo ponove jajapo umi mbaʼe vai (1 Juan 2:1). La Biblia heʼi voi: “Cristo [...] omano vaʼekue una vénte oñeperdona hag̃ua umi pekádo, peteĩ ihústova omano umi iñinhústovare, ikatu hag̃uáicha peiko porã jey Ñandejárandi” (1 Pedro 3:18).

2. ¿Mbaʼéichapa ñanepytyvõta amo gotyove Jesús sakrifísio?

Jehová ombou vaʼekue Jesúspe omano hag̃ua ñanderehehápe, “péicha entéro umi ohechaukáva ojeroviaha [Jesúsre] noñehundimoʼãi síno ikatúta oikove pára siémpre” (Juan 3:16). Jesús sakrifísio rupive, Jehová koʼẽrõite ohundíta entéro umi mbaʼe vai oikóva Adán naiñeʼẽrendúi haguére chupe. Upéva heʼise jahechaukáramo jajeroviaha Jesús sakrifísiore ikatutaha jareko pe oportunida jaikovévo pára siémpre peteĩ paraísope ko yvy ape ári (Isaías 65:21-23).

EJEPYʼAMONGETAMÍNA

3. Jesús sakrifísio ñaneguenohẽ pekádo ha ñemano poguýgui

VIDÉO: ¿Mbaʼérepa omano Jesús? (Párte 1) (2:01)

• ¿Mbaʼépa operde vaʼekue Adán naiñeʼẽrendúi haguére Ñandejárape?

Elee Romanos 5:12, ha upéi erresponde ko porandu:

• ¿Mbaʼéichapa ndéve ndeperhudika Adán ojapo vaʼekue?

Elee Juan 3:16, ha upéi erresponde ko porandu:

• ¿Mbaʼérepa Ñandejára ombou vaʼekue Itaʼýrape ko yvy ape ári?

1. Adán ningo haʼe vaʼekue perfékto, péro opeka rupi ñande avei japeka ha ñamano

2. Jesús ningo perfékto vaʼekue ha iñeʼẽrendu Ñandejárape, haʼe ñanepytyvõ jaikove hag̃ua pára siémpre ha ñandeperfékto jey hag̃ua

4. Jesús sakrifísio ikatu ñanepytyvõ enterovetévape

VIDÉO: ¿Mbaʼérepa omano Jesús? (Párte 2) (2:00)

• ¿Mbaʼéicha piko peteĩ persóna omano rupi ikatu oipytyvõ enterovévape?

Elee 1 Timoteo 2:5, 6, ha upéi erresponde ko porandu:

• Adán ningo haʼe vaʼekue perfékto, péro opeka rupi ñande avei ñanaséma pekadór ha ñamano. Ha Jesús perfékto avei, ¿mbaʼéichapa isakrifísio rupive haʼe “opaga pe présio oñekotevẽ vaʼekue”?

5. Jesús sakrifísio haʼe peteĩ rregálo Jehová omeʼẽva ndéve

Jehová amigokuérape g̃uarã Jesús sakrifísio haʼe peteĩ rregálo. Por ehémplo, elee Gálatas 2:20, ha upéi erresponde ko porandu:

• ¿Mbaʼéichapa apóstol Pablo ohechauka vaʼekue pe rreskáte haʼeha peteĩ rregálo chupe g̃uarã?

Adán opekárõ guare, haʼe ha ifamiliare ñaiméma kondenádo ñamano hag̃ua, péro Jehová ombou Itaʼýra omano hag̃ua ñanderehehápe ha péicha omeʼẽ ñandéve la oportunida jaikóvo pára siémpre.

Eleévo koʼã téxto eñeimahinami mbaʼéichapa Jehová oñeñandúne raʼe ohechávo Itaʼýra osufriha. Elee Juan 19:1-7, 16-18, ha upéi erresponde ko porandu:

• ¿Mbaʼéichapa reñeñandu reikuaávo la ojapo vaʼekue nderehehápe Jehová ha Jesús?

RRESÚMEN

Jesús sakrifísio rupive Jehová ikatu operdona ñandéve ñande pekádo ha omeʼẽ ñandéve la oportunida jaikove hag̃ua pára siémpre.

Rrepáso

• ¿Mbaʼérepa omano raʼe Jesús?

• ¿Mbaʼéichapa isakrifísio rupive Jesús opaga pe présio oñekotevẽ vaʼekue?

• ¿Mbaʼéichapa Jesús sakrifísio ikatu nepytyvõ?

EINVESTIGA HAG̃UA

¿Mbaʼérepa jaʼekuaa Jesús sakrifísio haʼeha peteĩ rreskáte?

“¿Mbaʼéichapa Jesús sakrifísio ‘opaga pe rreskáte’?” (Artíkulo oĩva jw-pe)

¿Mbaʼépa tekotevẽ jajapo jajesalva hag̃ua?

“¿Mbaʼéichapa Jesús ñandesalva?” (Artíkulo oĩva jw-pe)

¿Ikatu piko Jehová operdona umi pekádo ivaivéva jepe?

“La Biblia ombohovái koʼã porandu” (Ñemañaha 1 de mayo de 2013)

Ehecha mbaʼéicha Jesús sakrifísio oipytyvõ peteĩ ermánope okambia hag̃ua hekove.

“Nacheviolentovéima yma guaréicha” (Artíkulo oĩva jw-pe)