LEKSIÓN 54
¿Mávapa “pe esklávo de konfiánsa ha iñarandúva”, ha mbaʼépa ojapo?
Jesús omoakã pe kongregasión (Efesios 5:23). Ha ñane tiémpope, Jesús ojevale “pe esklávo de konfiánsa ha iñarandúva” rehe odirihi hag̃ua isegidorkuérape ko yvy ape ári (elee Mateo 24:45). Jesús voi onombra pe esklávope ha omeʼẽʼimi chupekuéra autorida. Upéicharõ jepe, ko esklávo osegi vaʼerã iñeʼẽrendu Crístope ha oservi iñermanokuérape. Péro, ¿mávapa hína pe esklávo? ¿Ha mbaʼéichapa okuida ñanderehe?
1. ¿Mávapa hína “pe esklávo de konfiánsa ha iñarandúva”?
Ymaite guive Jehová oipurúva peteĩ kuimbaʼe, térã peteĩ grúpo oĩháme unos kuánto kuimbaʼe odirihi hag̃ua ipuévlope (Malaquías 2:7; Hebreos 1:1). Jesús omano rire umi ansiáno ha apóstol oĩva Jerusalénpe oñepyrũ vaʼekue ogia pe kongregasión kristiánape (Hechos 15:2). Upéicha avei, ñane tiémpope peteĩ grúpo michĩva oĩháme unos kuánto ansiáno ogia Jehová puévlope, omeʼẽ ñandéve opa mbaʼe ñaikotevẽva ñamombarete hag̃ua ñande jerovia, ha odirihi pe predikasión. Ko grúpope oñehenói Kuérpo Governánte de los testigos de Jehová, ha haʼe avei “pe esklávo de konfiánsa ha iñarandúva” Jesús voi onombra vaʼekue (Mateo 24:45a). Entéro umi oĩva pe Kuérpo Governántepe haʼe unhído, ha hiʼãitereíma chupekuéra oho yvágape ogoverna hag̃ua Cristo ndive omohuʼã rire hembiapo ko yvy ape ári.
2. ¿Mbaʼépa omeʼẽ ñandéve pe esklávo ñamombarete hag̃ua ñande jerovia?
Jesús heʼi vaʼekue pe esklávo omeʼẽtaha kristianokuérape umi aliménto hiʼoraitépe (Mateo 24:45b). ¿Mbaʼépa heʼise upéva? Pe tembiʼu ñanepytyvõ ñanembarete ha ñaneresãi hag̃ua. Upéicha avei umi mbaʼe ñaaprendéva Ñandejára Ñeʼẽgui ñanemombarete ikatu hag̃uáicha jasegi ñandefiél Jehovápe, ha jajapo la Jesús omanda vaʼekue ñandéve (1 Timoteo 4:6). Pe esklávo omog̃uahẽ ñandéve pe aliménto heta hendáicha. Upearã ojevale umi rreuniónre, asambléa, puvlikasión ha vidéo rehe. Koʼãva ñanepytyvõ ñantende hag̃ua Ñandejára volunta ha ñañemoag̃uive hag̃ua hese.
EJEPYʼAMONGETAMÍNA
Jahechamína mbaʼérepa ñaikotevẽ “pe esklávo de konfiánsa ha iñarandúva” rehe, haʼéva pe Kuérpo Governánte.
Kuérpo Governánte oipytyvõ, ogia ha omeʼẽ opa mbaʼe oikotevẽva omombarete hag̃ua ijerovia umi Testígo oĩvape ko múndo tuichakuére
3. Jehová siervokuéra oĩ vaʼerã organisádo
Pe Kuérpo Governánte oñemoĩ Jesús poguýpe, ha oorganisa entéro mbaʼe ojapóva umi testígo de Jehová. Jesús ogiáma vaʼekue voi péicha umi kristiáno ypykuépe. Ehecha pe VIDÉO.
Elee 1 Corintios 14:33, 40, ha upéi erresponde ko porandu:
¿Mbaʼéichapa ohechauka koʼã téxto Jehová oipotaha isiervokuéra oĩ organisádo?
4. Pe esklávo oorganisa ñane predikasión
Umi kristiáno ypykue opredika meme vaʼekue, ha upéva la iñimportanteve vaʼekue chupekuéra g̃uarã. Elee Hechos 8:14, 25, ha upéi erresponde koʼã porandu:
¿Mávapa oorganisa vaʼekue pe predikasión umi kristiáno ypykue tiémpope?
¿Mbaʼéichapa Pedro ha Juan osegi umi instruksión omeʼẽ vaʼekue umi ótro apóstol?
Pe Kuérpo Governánte oorganisa pe predikasión, péva hína pe traváho iñimportantevéva ojejapóva koʼág̃arupi. Ehecha pe VIDÉO.
Jesús heʼi vaʼekue pe predikasión iñimportantetereiha. Elee Marcos 13:10, ha upéi erresponde koʼã porandu:
¿Mbaʼérepa pe predikasión iñimportantete pe Kuérpo Governántepe g̃uarã?
¿Mbaʼérepa ñaikotevẽ “pe esklávo de konfiánsa ha iñarandúva” oorganisa la predikasión ko múndo tuichakuére?
5. Pe esklávo de konfiánsa ñandegia
Pe Kuérpo Governánte ogia umi kristiáno oĩvape ko múndo tuichakuére. ¿Mbaʼépa oreko enkuénta odesidíta jave peteĩ mbaʼe? Jahechamína mbaʼépa ojapo vaʼekue pe kuérpo governánte umi kristiáno ypykue tiémpope. Elee Hechos 15:1, 2, ha upéi erresponde koʼã porandu:
¿Mbaʼépepa ojoavy vaʼekue umi kristiáno ypykue?
¿Máva rendápepa oho vaʼekue Pablo, Bernabé ha umi ótro kristiáno osolusiona hag̃ua pe provléma?
Elee Hechos 15:12-18, 23-29, ha upéi erresponde ko porandu:
¿Mbaʼépa ojapo raʼe pe kuérpo governánte Ñandejára ogia hag̃ua chupekuéra ha odesidi porã hag̃ua? (Ehecha jey versíkulo 12, 15 ha 28).
Elee Hechos 15:30, 31 ha 16:4, 5, ha upéi erresponde koʼã porandu:
¿Mbaʼéichapa umi kristiáno ypykue osegi vaʼekue umi instruksión omeʼẽ vaʼekue pe kuérpo governánte?
¿Mbaʼéichapa Jehová ovendesi chupekuéra iñeʼẽrendu rupi?
Elee 2 Timoteo 3:16 ha Santiago 1:5, ha upéi erresponde ko porandu:
¿Moõpa oheka gía pe Kuérpo Governánte ñane tiempopegua odesidi mboyve peteĩ mbaʼe?
OĨRAMO HEʼÍVA: “Nde rejapóramo pe Kuérpo Governánte heʼívante, upéicharõ kuimbaʼépe jeýnte neñeʼẽrendu”.
¿Mbaʼérepa nde reime segúro pe Kuérpo Governánte oĩha Jesús poguýpe?
RRESÚMEN
Pe Kuérpo Governánte haʼe “pe esklávo de konfiánsa ha iñarandúva” Jesús onombra vaʼekue. Ha ogia Ñandejára puévlope omeʼẽvo ñandéve opa mbaʼe ñaikotevẽva ñamombarete hag̃ua ñande jerovia.
Rrepáso
¿Mávapa onombra ‘pe esklávo de konfiánsa ha iñarandúvape’?
¿Mbaʼéichapa okuida ñanderehe pe Kuérpo Governánte?
¿Ndépa reguerovia pe Kuérpo Governánte haʼeha “pe esklávo de konfiánsa ha iñarandúva”?
EINVESTIGA HAG̃UA
Ehechamína mbaʼéichapa pe Kuérpo Governánte oñeorganisa okumpli porã hag̃ua itraváho.
“¿Mbaʼépa pe Kuérpo Governánte de los testigos de Jehová?” (Artíkulo oĩva jw-pe)
¿Mbaʼe mbaʼépa ojapo pe Kuérpo Governánte ojeasegura hag̃ua ijexaktoha umi puvlikasión onohẽva?
¿Mbaʼépa opensa umi oĩva pe Kuérpo Governántepe pe asignasión Jesús omeʼẽvare chupekuéra?
¿Mbaʼérepa jaʼekuaa umi rreunión ha asambléa ohechaukaha Jehová ogiaha pe Kuérpo Governántepe?