¿Mbaʼérepa reñemeʼẽ vaʼerã Jehovápe ha rejevautisa?

¿Mbaʼépa heʼise ñañemeʼẽ Ñandejárape? Heʼise peteĩ persóna oñemboʼeha opromete hag̃ua Jehovápe oadorataha chupe añoite ha omotenondetaha haʼe oipotávante (Salmo 40:8). Upe rire ojevautisávo ohechauka enterove renondépe haʼe oñemeʼẽma hague Ñandejárape. Upéva ningo pe desisión iñimportantevéva ha okambiaitétava hekove. Upévare, epensamína ne situasiónre ha eñeporandumi: “¿Mbaʼépa chemomýi vaʼerã chéve añemeʼẽ hag̃ua Jehovápe?”.

1. ¿Mbaʼépa ñanemomýi vaʼerã ñañemeʼẽ hag̃ua Jehovápe?

Ñande ñañemeʼẽ Jehovápe jahayhu rupi chupe (1 Juan 4:10, 19). La Biblia heʼi voi: “Rehayhu vaʼerã Jehová nde Járape nde pyʼaite guive, nde rekove kompletoite reheve, entéro ne pensamiénto reheve, ha ne mbaretekue omeʼẽmíva reheve” (Marcos 12:30). Ñande jahechauka jahayhuha Jehovápe umi mbaʼe jaʼéva ha jajapóva rupive. Epensamína ko mbaʼére: peteĩ paréha ojoayhueterei rupi odesidi omendataha, upéicha avei ñande jahayhueterei rupi Jehovápe jadesidi ñañemeʼẽtaha chupe ha jajevautisa.

2. ¿Mbaʼéichapa Jehová nevendesíta rejevautisáramo?

Jehová ningo oreko peteĩ família tuicháva ha ovyʼáva ko múndo tuichakuére, ha nde rejevautisa vove reimétama ifamília apytépe. Upe rire haʼe ohechaukáta ndéve hetaitereive hendáicha mbaʼeichaitépa nderayhu, ha nde amás día reñemoag̃uivéta hese (elee Malaquías 3:16-18). Péicha oikóta Jehovágui nde Túa ha erekóta ko múndo tuichakuére hetaiterei ermáno ha ermána ohayhúva chupe ha ndéve avei (elee Marcos 10:29, 30). Péro, ¿mbaʼe mbaʼépa rejapo vaʼerã rejevautisa mboyve? Reikuaa porã vaʼerã Jehovápe, rehayhu vaʼerã chupe, rehechauka vaʼerã rejeroviaha Itaʼýrare ha reñemeʼẽma vaʼerã Jehovápe. Rejapopárõ koʼã mbaʼe ha rejevautisa, erekóta la oportunida reiko hag̃ua vyʼápe pára siémpre. Ñandejára Ñeʼẽ heʼi: “Pe vautísmo [...] pendesalva hína avei koʼág̃a” (1 Pedro 3:21).

EJEPYʼAMONGETAMÍNA

3. Káda uno jadesidi vaʼerã mávapepa jaservíta

Yma Israélpe oĩ vaʼekue opensáva ikatuha oadora Jehovápe ha avei pe dios fálso Baálpe. Péro tuichaiterei ojavy hikuái, upévare Jehová omondo iproféta Elíaspe okorrehi hag̃ua chupekuéra. Elee 1 Reyes 18:21, ha upéi erresponde ko porandu:

• ¿Mbaʼépa odesidi vaʼerã kuri umi israelita?

Ojapo haguéicha umi israelita, ñande avei jaelehi vaʼerã mávapepa jaservíta. Elee Lucas 16:13, ha upéi erresponde koʼã porandu:

• ¿Mbaʼérepa ndaikatúi jaadora Jehovápe ha avei ótro dióspe térã ótra kósape?

• ¿Mbaʼéichapa ikatu jahechauka Jehovápe jaadoraha chupe añoite?

4. Ehechakuaa mbaʼeichaitépa Jehová nderayhu

Jehová ningo orregaláma ñandéve hetaiterei mbaʼe iporãitereíva, péro ¿mbaʼépa ñande ikatu ñameʼẽ chupe? Ehecha pe VIDÉO.

VIDÉO: ¿Mbaʼépa ikatu jarregala Jehovápe? (3:04)

¿Mbaʼe mbaʼémapa ojapo Jehová nderehehápe ohechauka hag̃ua nderayhuha? Elee Salmo 104:14, 15 ha 1 Juan 4:9, 10, ha upéi erresponde koʼã porandu:

• Epensamína entéro umi rregálo Jehová omeʼẽmavare ndéve, ¿máva mávapa ndegustave?

• ¿Mbaʼépa nemomýi rejapo hag̃ua reikuaávo mbaʼeichaitépa Jehová nderayhu?

Ñande jarresivi jave peteĩ rregálo ñandegustaitereíva jahechaukase upe persónape jaagradeseha chupe. Elee Deuteronomio 16:17, ha upéi erresponde koʼã porandu:

• Repensávo entéro mbaʼe Jehová omeʼẽvare ndéve, ¿ndépa remeʼẽse avei chupe álgo? ¿Mbaʼépa remeʼẽne chupe?

5. Reñemeʼẽramo Jehovápe haʼe nevendesíta

VIDÉO: Che partído ahuga hag̃uántema aiko vaʼekue (5:45)

• ¿Mbaʼérepa pe hugadór de fútbol odesidi ohejataha la partído ogustaitereíramo jepe chupe upéva?

• Haʼe odesidi oñemeʼẽtaha Jehovápe ojededika rangue partídope, ¿ndépa ere odesidi porã hague? ¿Mbaʼérepa repensa upéicha?

Apóstol Páblogui oiko mboyve kristiáno ostudia vaʼekue pe léi judía peteĩ profesór ifamósovandi. Upévare haʼe ikatu kuri ombaʼapo porã ha ogana heta. Péro haʼe odesidi ohejapaite koʼã mbaʼe. ¿Ombyasýpa raʼe upe rire la odesidíva? Elee Filipenses 3:8, ha upéi erresponde koʼã porandu:

• ¿Mbaʼérepa Pablo okompara ytýre umi mbaʼe oheja vaʼekue oiko mboyve chugui kristiáno?

• ¿Mbaʼépa ohupyty odesidi haguére upéva?

• ¿Ndépa ere oho porãvetaha ndéve redesidíramo reservitaha Jehovápe? ¿Mbaʼérepa repensa upéicha?

RRESÚMEN

Jahayhu rupi Jehovápe ñañemeʼẽ chupe ha jajevautisa.

Rrepáso

• ¿Mbaʼérepa Jehová omerese jahayhu chupe ñande pyʼaite guive ha jaadora chupe?

• ¿Mbaʼéichapa Jehová nevendesíta rejevautisáramo?

• ¿Ndépa reñemeʼẽse Jehovápe?

EINVESTIGA HAG̃UA

Ehecha mbaʼérepa peteĩ kantánte ha peteĩ ohugáva fútbol americano odesidi oñemeʼẽtaha Jehovápe.

Mitãrusukuéra oñeporandúva jepi... ¿Mbaʼépa ajapóta? Umi mbaʼe aheja vaʼekue (6:54)

Ehecha hetave mbaʼe ñanemomýiva ñañemeʼẽ hag̃ua Jehovápe.

“Mbaʼérepa ñañemeʼẽvaʼerã Jehovápe?” (Ñemañaha 15 de enero de 2010)

Ehecha ko vidéo musikálpe mbaʼeichaitépa ovyʼa umi oñemeʼẽva Jehovápe.

Che ndéve añemeʼẽ (4:30)

Pe experiénsia héravape “Siémpre aikuaase vaʼekue maʼerãpa jaexisti”, ehecha mbaʼépa oipytyvõ peteĩ kuñakaraípe ohechakuaa hag̃ua mbaʼépa iñimportanteve chupe g̃uarã.

“La Biblia okambia chupekuéra” (La Atalaya 1 de noviembre de 2012)