Umi “kanguekue iséko veráva” ha umi ‘mokõi testígo’. Mbaʼéichapa oho ojuehe koʼã mokõi profesía

ÁÑO 1919-pe oñekumpli mokõi profesía ohóva ojuehe: Umi “kanguekue iséko veráva” ha umi ‘mokõi testígo’. Pe visión oñeʼẽva umi “kanguekue iséko veráva” rehe oprofetisa oĩtaha peteĩ tiémpo ipukuetereíva (upéva añetehápe ipuku kuri cientos de áño) ha og̃uahẽ vaʼekue huʼãme oikove jeýrõ guare peteĩ grúpo oĩháme hetaiterei Ñandejára siervokuéra (Ezeq. 37:2-4; Apoc. 11:1-3, 7-13). Pe profesía oñeʼẽva umi ‘mokõi testígo’ rehe oñeʼẽ peteĩ tiémpo mbykývare (oñekumplíva oñemohuʼãvo 1914 ha opa oñepyrũ riremi 1919). Upe tiémpo opa vaʼekue oikove jeýrõ guare peteĩ grúpo michĩva oĩháme Ñandejára siervokuéra. Mokõive profesía oñeʼẽ peteĩ rresurreksión rehe ha mokõivéva oñekumpli 1919-pe. Upe áñope Jehová ‘omoñemboʼy’ umi unhídope oguenohẽvo chupekuéra oĩhágui prisionéroramo Babilonia Guasúpe, ha ombyaty chupekuéra pe kongregasión oadora jeývape Ñandejárape haʼe oipotaháicha (Ezeq. 37:10).

Péro oĩ peteĩ diferénsia tuicháva mbaʼéichapa oñekumpli koʼã mokõi profesía. Pe profesía oñeʼẽva umi “kanguekue iséko veráva” rehe oprofetisa oikove jeytaha kompletoite umi unhído oĩva gueteri ko yvy ape ári. Ha pe profesía oñeʼẽva umi ‘mokõi testígo’ rehe oprofetisa oikove jeytaha unos kuánto unhído oĩva gueteri ko yvýpe: Umi odirihíva pe organisasión ha oñenombra vaʼekue haʼe hag̃ua pe “esklávo de konfiánsa ha iñarandúva” (Mat. 24:45; Apoc. 11:6).a

3. OÑEPYRŨ RIREMI 1919

   1919: Umi ‘mokõi testígo’ oikove jey oñenombrárõ guare peteĩ grúpo michĩva oĩháme umi unhído, odirihi hag̃ua pe organisasión ha oiko chuguikuéra pe “esklávo de konfiánsa ha iñarandúva”