¡Ñañerreuni ñanekyreʼỹ hag̃ua!

1. Iñypytũháre ko múndo oiko

ni nopenavéi ojuehe,

ñande jaservíva Jehovápe katu

ñañopytyvõjoaite.

Ñane rreunionhápe ñanekyreʼỹ,

ñande jerovia imbarete.

Ha ñañehaʼã jajapo porãmba

Jehová omandáva guive.

Ñane rreunionhápe ani jafalta,

jaha ñañomokyreʼỹ,

upéicha Jehová volunta jajapo

ha jahayhuvéta chupe.

2. Jehová ningo siémpre ñandeajudase,

konsého porã omeʼẽ,

upévare tekotevẽ jajogua

pe tiémpo rreuniónpe g̃uarã.

Umi ansianokuéra ñanekonsola

ha ñanderehe okuida.

Ñane ermanokuéra ñaneanima

ha ñande ykére opyta.

Ko ára pahápe koʼýte ñande

tekotevẽ ñañerreuni,

upéicha Jehová ñanerekomboʼe

ha ñanemoaranduve.