Neonrrádokena opa mbaʼépe

Enterove ningo jaipota ñane amigorã umi persóna iñonrrádova, ha upéva avei Jehová ohaʼarõ iñamigokuéragui. Péro sapyʼánte ijetuʼu jepi upéva, pórke ko múndope henyhẽte umi hénte naiñonrrádoiva. Péro, ¿mbaʼépepa ñanepytyvõta ñaneonrrádoramo?

1. ¿Mbaʼérepa iñimportantete ñaneonrrádo?

Ñaneonrrádo jave ñande rapichándi jahechauka hína jahayhuha Jehovápe ha jarrespetaha chupe. Ñanemanduʼa vaʼerã Jehová ohechaha opa mbaʼe ñapensáva ha jajapóva (Hebreos 4:13). Upévare ñaimekuaa segúro haʼe ohechaha ñaneonrrádo jave ha omombaʼeha upéva. La Biblia heʼi voi: “Jehová ndaijaʼeiete umi oporombotavývare, péro umi ihústova iñamigoite hína” (Proverbios 3:32).

2. ¿Mbaʼéicha javépa jahechauka vaʼerã ñaneonrradoha?

Jehová oipota siémpre ‘jaʼe ojupe siertoguávante’ (Zacarías 8:16, 17). ¿Mbaʼépa heʼise upéva? Ndovaleiha ñandejapu térã ñantendeka álgo ndahaʼéiva siérto ñande rapichakuérape, tahaʼe ñane hentekuérape, ñane kompañéro de traváhope, umi ermáno térã ermánape, térã umi autoridápe. Peteĩ persóna iñonrrádova nombotavýi hapichápe ni nomondái chupe (elee Proverbios 24:28 ha Efesios 4:28). Ha avei opaga umi impuésto (Romanos 13:5-7). Koʼãichagua ehémplo ohechauka oĩha heta mbaʼe jajapo vaʼerã jahechauka hag̃ua ñaneonrradoha (Hebreos 13:18).

3. ¿Mbaʼépepa ideprovéchota ñandéve ñaneonrrádoramo?

Ñande ñaneonrrádoramo siémpre, umi hénte ojeroviavéta ñanderehe. Upéicha avei ñaipytyvõ umi ermáno kongregasionpeguápe oñeñandu hag̃ua segúro, oĩramoguáicha peteĩ famíliape. Ñaneonrrádoramo ikatúta avei ñanekonsiénsia potĩ, ñamoporãvéta “ñande Salvadór Ñandejára omboʼéva” ha ñaipytyvõta ñande rapichápe oikuaaseve hag̃ua Ñandejárape (Tito 2:10).

EJEPYʼAMONGETAMÍNA

4. Ñaneonrrádoramo ñambovyʼa Jehovápe

Elee Salmo 44:21 ha Malaquías 3:16, ha upéi erresponde koʼã porandu:

• ¿Mbaʼérepa nde ere naiporãiha ñapensa ikatuha ñambotavy Jehovápe?

• ¿Mbaʼéichapa nde ere oñeñanduha Jehová ohechávo jaʼeha la verda ijetuʼúramo jepe jajapo upéva?

5. Siémprekena ñaneonrrádo

VIDÉO: ¿Mbaʼépa añetehápe ñanembovyʼa? Ñanekonsiénsia potĩ (2:32)

Elee Hebreos 13:18, ha upéi eexplika mbaʼéichapa ikatu jahechauka ñaneonrradoha ñaime jave:

• ñane famíliandi.

• ñande travahohápe térã koléhiope.

• ótra situasiónpe.

6. Ñaneonrrádoramo ou porãta ñandéve voi

Ñepyrũrã ikatu ñapensa ñaneonrrádoramo opa mbaʼépe ikatuha ñañeaprovlema. Péro kon el tiémpo jahechakuaáta upéva añetehápe ou porãitereiha ñandéve. Elee Salmo 34:12-16, ha upéi erresponde ko porandu:

• ¿Mbaʼérepa ikatu ere reiko porãvetaha neonrrádoramo?

1. Peteĩ matrimóniope mokõivéva iñonrrádoramo, ojogueraha porãvéta

2. Peteĩ empleádo iñonrrádoramo, ipatrón ojeroviavéta hese

3. Peteĩ persóna iñonrrádoramo, opyta porãta umi autorida renondépe

RRESÚMEN

Jehová oipota iñamigokuéra siémpre iñonrrádo umi mbaʼe heʼíva ha ojapóvape.

Rrepáso

• ¿Mbaʼe situasiónpepa jahechauka vaʼerã ñaneonrradoha?

• ¿Mbaʼérepa naiporãmoʼãi ñapensáramo ikatuha ñambotavy Jehovápe?

• ¿Mbaʼérepa nde rejedesidi neonrradotaha opa mbaʼépe siémpre?

EINVESTIGA HAG̃UA

¿Mbaʼéichapa tuakuéra ikatu omboʼe ifamíliape iñonrrádo hag̃ua?

Aníkena ndejapu (1:44)

¿Mbaʼépa rehupytýta rekumplíramo umi mbaʼe reprometéva?

Ekumplíramo la reprometéva ehupytýta heta vendisión (9:09)

Ehechamína mbaʼérepa iñimportánte japaga ñane impuésto, ndojepuruporãiramo jepe umíva.

“Repagavaʼerãpa impuésto?” (Ñemañaha Octubre-Diciembre de 2011)

¿Mbaʼépa oipytyvõ peteĩ karai naiñonrrádoi vaʼekuépe ou hag̃ua okambia?

“Aaprende mbaʼeichaitépa Jehová operdonakuaa” (Ñemañaha 1 de mayo de 2015)