Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de mayo

“Ñande yvypóra ningo enterove jajavy, ndépa mbaʼe repensa ¿operdonánepa Ñandejára umi hembiapo vaietévape?” [Ehaʼarõ tombohovái.] Ehechauka chupe pe artíkulo oĩva páhina 15-pe rrevísta Ñemañaha 1 de máyope, ehesaʼỹijo hendive pe primer porandu ha elee avei peteĩ térã mokõi téxto vívliko oĩva upépe. Upéi eikuaveʼẽ umi rrevísta ha ere chupe reho jeytaha rehesaʼỹijo hag̃ua hendive pe ótro porandu.

Ñemañaha 1 de mayo

“Roikuaasemi mbaʼépa nde repensa ko téxtope heʼívare [elee 1 Juan 4:8]. Heta oĩ opensáva ko téxtope heʼiháicha, péro oĩ avei heʼíva Ñandejára ipyʼahatãha ohejágui oiko umi yvytu atã, ama guasu ha ambue sarambi. ¿Mbaʼépa nde repensa upévare? [Ehaʼarõ tombohovái.] Ko rrevísta omyesakã porã ñandéve mbaʼérepa ndovaléi jakulpa Ñandejárape umi mbaʼe vai oikóvare.”

¡Despertad! Mayo

“Roñemongetasete ningo nendive avei peteĩ mbaʼe oipyʼapývare enterovépe. Koʼág̃arupi hetaiterei oĩ omonda ha oporojukáva. Upévare oĩ opensáva oñesolusiona hag̃ua koʼã provléma tekotevẽha oĩ hetave polisía, ¿ndépa mbaʼe repensa? [Ehaʼarõ tombohovái.] La Bíbliape heʼi koʼẽrõitéma opataha umi mbaʼe vai apoha [elee Salmo 37:10, 11]. Ko rrevísta omyesakã mbaʼéichapa Ñandejára okumplíta ko promésa ha ohechauka mbaʼépa ikatu jajapo ñañeñangareko hag̃ua.”