27 “Hiẹ na yí owhlẹ akasia tọn do basi agbà de;+ tedidi etọn na yin awagbà* atọ́n podọ gbigblo etọn awagbà atọ́n. Adà ẹnẹ agbà lọ tọn lẹ dona sọzẹn bọ jiyiyi etọn na yin awagbà atọ̀n.+ 2 Hiẹ na basi azò+ lẹ do agosu etọn ẹnẹ lẹ ji; azò lọ lẹ na yin apadewhe agbà lọ tọn, hiẹ nasọ và gànvẹẹ na agbà lọ.+

7 Yẹwhenọ lọ nasọ yí sọn ohùn lọ mẹ do azò agbà nuyọnwan owán gblingblinnọ lọ tọn he to Jehovah nukọn to gòhọ opli tọn lọ mẹ lẹ ji;+ e nasọ kọ̀n ohùn oyìnsú lọ tọn he pò lẹpo do agbà avọ́nunina mimẹ̀ lọ tọn kọ̀n to kọmẹ+ to họntonu gòhọ opli tọn lọ tọn.