• Whẹdatọ lẹ 3:9, 10
    Owe Wiwe lẹ—Lẹdogbedevomẹ Aihọn Yọyọ Tọn

    • 9 Whenue Islaelivi lẹ dawhá ylọ Jehovah na alọgọ,+ Jehovah de mẹwhlẹngántọ de nado whlẹn Islaelivi lẹ,+ yèdọ Otniẹli+ visunnu Kenazi he yin nọvisunnu pẹvi Kalẹbi tọn. 10 Gbigbọ Jehovah tọn wá e ji,+ bọ e lẹzun whẹdatọ Islaeli tọn. To whenuena e tọ́nyi nado funawhàn, Jehovah jo Kuṣani-liṣataimi ahọlu Mẹsopotamia* tọn do alọ etọn mẹ bọ e duto Kuṣani-liṣataimi ji.

  • Whẹdatọ lẹ 14:5, 6
    Owe Wiwe lẹ—Lẹdogbedevomẹ Aihọn Yọyọ Tọn

    • 5 Enẹwutu, Samsọni jẹte yì Timna hẹ otọ́ etọn po onọ̀ etọn po. To whenue e jẹ vẹngle Timna tọn lẹ kọ̀n, pọ́n! kinnikinni* de to lìlì wá pé e. 6 To whenẹnu, gbigbọ Jehovah tọn na ẹn huhlọn+ bọ e yí alọ tata do tlẹ́n ẹn do awe kẹdẹdile mẹde nọ tlẹ́n gbọgbọẹvu de do awe do. Ṣigba, e ma dọ nuhe e wà lọ na otọ́ etọn kavi onọ̀ etọn.

  • 1 Samuẹli 10:10, 11
    Owe Wiwe lẹ—Lẹdogbedevomẹ Aihọn Yọyọ Tọn

    • 10 Yé sọ tọ́n sọn finẹ yì okọ́ta lọ ji bọ pipli yẹwhegán lẹ tọn de pé e. To afọdopolọji, gbigbọ Jiwheyẹwhe tọn na ẹn huhlọn+ bọ e jẹ dọdai dọ ji+ to ṣẹnṣẹn yetọn. 11 Whenue mẹhe ko yọ́n ẹn dai lẹpo mọdọ ewọ to dọdai dọ hẹ yẹwhegán lẹ, yé jẹ didọna ode awetọ ji dọmọ: “Etẹwẹ wà visunnu Kiṣi tọn? Sauli lọsu tin to yẹwhegán lẹ mẹ wẹ ya?”