39 Todin, Zadọki yẹwhenọ lọ ze azò amì tọn+ sọn gòhọ lọ mẹ+ bo yiamisisadode Sọlomọni,+ yé sọ jẹ azò kún ji bọ gbẹtọ lọ lẹpo jẹ abobo do ji dọmọ: “Gbẹ̀gaa na Ahọlu Sọlomọni!” 40 Enẹgodo, gbẹtọ lọ lẹpo hẹji hodo e bo to ován kún bosọ to aglinjẹ tlala, sọmọ bọ aigba kẹ̀ na awhágbe yetọn wutu.+

12 Whenẹnu wẹ Jehoiada de visunnu ahọlu tọn+ lọ tọ́njẹgbonu bo ze jẹgbakun lọ po Kunnudenu*+ lọ po do ota na ẹn, yé sọ yí i do doahọlu bo yiamisisadode e. Yé sọ jẹ opẹ́ hò ji bo to didọmọ: “Gbẹ̀gaa na ahọlu!”+

14 E sọ mọ ahọlu lọ to ote to dòtin lọ kọ̀n sọgbe hẹ aṣa lọ.+ Ogán lẹ po opẹ̀n-kúntọ+ lẹ po to ahọlu dè, mẹhe to aigba lọ ji lẹpo sọ to ayajẹ bo to opẹ̀n lẹ kún. Whenẹnu, Atalia tlẹ́n awù etọn lẹ bo dawhá dọmọ: “Sébibla! Sébibla wẹ!”

39 Yé sọ gbọṣi Davidi dè finẹ na azán atọ̀n, bo to dùdù bosọ to nùnù, na nọvisunnu yetọn lẹ ko wleawudaina yé. 40 Mọdopolọ, mẹhe sẹpọ yé lẹ, podọ etlẹ yin mẹhe dẹn do yé lẹ taidi omẹ Isakali, Zebuluni po Naftali po tọn lẹ nọ hẹn núdùdù wá to kẹtẹkẹtẹ lẹ, kanklosọ́ lẹ, otlò* lẹ po oyìn lẹ po ji—yèdọ núdùdù susugege, enẹ wẹ linfin, akla hìhì ovò sinsẹ́n tọn lẹ, ovẹn po amì po gọna oyìn po lẹngbọ po, na omẹ Islaeli tọn lẹ to ayajẹ mẹ.