38 To azán enẹlẹ gbè, Hẹzekia jẹazọ̀n kakajẹ kúdonu.+ Yẹwhegán Isaia,+ visunnu Amọzi tọn sọ wá e dè bo dọna ẹn dọ, “Nuhe Jehovah dọ die: ‘Na anademẹ lẹ whédo towe, na hiẹ na kú; a ma na jẹgangan.’”+ 2 To whenẹnu, Hẹzekia lilẹ́ nukunmẹ etọn pannukọn adó bo jẹ dẹ̀ho hlan Jehovah ji dọmọ: 3 “N’vẹ̀ we, Jehovah E, jaale flin+ lehe n’ko yí nugbonọ-yinyin do zinzọnlin to nukọn towe po ahun pipé de po do,+ podọ n’ko wà nuhe yin dagbe to nukun towe mẹ lẹ.” Hẹzekia sọ jẹ avivi ji badabada.