30 “To whenue ohó ehe lẹpo na ko ṣẹ do ji we, yèdọ dona po dẹ̀hodo he yẹn zedonukọnna we lọ po,+ bọ hiẹ wá flin yé*+ to akọta he mẹ Jehovah Jiwheyẹwhe towe ko vúnvún we pé gbọn lẹpo,+ 2 bo lẹhlan Jehovah Jiwheyẹwhe towe+ bosọ yí ahun towe lẹpo po alindọn* towe lẹpo po+ do dotoaina ogbè etọn sọgbe hẹ nuhe yẹn degbe etọn na we to egbé lẹpo, yèdọ hiẹ po visunnu towe lẹ po, 3 to whenẹnu Jehovah Jiwheyẹwhe towe na plan kanlinmọ towe lẹ+ lẹkọ bo do lẹblanu hia+ we bosọ vọ́ we bẹpli sọn akọta he mẹ Jehovah Jiwheyẹwhe towe ko vúnvún we pé gbọn lẹpo.+

2 to owhe tintan gandudu etọn tọn mẹ wẹ yẹn, Daniẹli, tunwun gbọn owe lẹ* dali dọ sọha owhe he yin nùdego to ohó Jehovah tọn mẹ na yẹwhegán Jelemia nado hẹn vọjijẹ Jelusalẹm tọn wá vivọnu+ lẹ tọn wẹ owhe 70.+ 3 Enẹwutu, yẹn lẹ́ nukunmẹ ṣie hlan Jehovah Jiwheyẹwhe nugbo lọ bo to vivẹ̀ ẹ to odẹ̀ mẹ dile n’to nùbla+ bo do odẹ́vọ̀ bosọ sinai do afín mẹ.