19 Aalọn po visunnu etọn lẹ po na nọ klọ́ alọ po afọ yetọn lẹ po to finẹ.+ 20 Eyin yé jei gòhọ opli tọn mẹ kavi to whenue yé wá agbà lọ kọ̀n nado wadevizọn podọ nado basi avọ́nunina lẹ gbọn miyọ́n dali he na to azọ̀ti hlan Jehovah, yé na nọ yí osin do klọ́ alọ po afọ po, na yé nikaa kú.

8 Hiẹ dona nọ pọ́n ẹn hlan di omẹ wiwe,+ na ewọ wẹ nọ ze akla Jiwheyẹwhe towe tọn donukọnna ẹn. Hiẹ dona nọ pọ́n ẹn hlan di omẹ wiwe, na wiwe wẹ yẹn Jehovah,+ mẹlọ he to mìwlẹ hẹn zun wiwe.

2 “Dọna Aalọn po visunnu etọn lẹ po dọ yé dona payi lehe yé nọ yinuwa hẹ* onú wiwe Islaelivi lẹ tọn do go podọ yé ma dona hẹn oyín wiwe ṣie flu+ gando nuhe yé to hinhẹn zun wiwe hlan mi lẹ go.+ Yẹn wẹ Jehovah. 3 Dọna yé dọ, ‘Sọn whẹndo de ji jẹ whẹndo de ji, eyin depope to kúnkan mìtọn lẹ mẹ dọnsẹpọ onú wiwe lẹ he Islaelivi lẹ to hinhẹn zun wiwe hlan Jehovah, to whenue ewọ yin mawé, omẹ* enẹ dona yin sinsánsẹ* sọn nukọn ṣie.+ Yẹn wẹ Jehovah.