4 Yẹn wazọ́n susu.+ Yẹn gbá owhé ṣie titi lẹ;+ yẹn sọ pọ̀ vẹngle ṣie titi lẹ.+ 5 Yẹn wleawuna jipa po ogle ṣie titi lẹ po bosọ do atin he nọ sẹ́n wunmẹ voovo lẹ do yé mẹ. 6 Yẹn kùn osindò ṣie titi lẹ nado húsinna ogle* he mẹ atin he vùn lẹ tin te. 7 Yẹn tindo devisunnu po deviyọnnu lẹ po,+ yẹn sọ tindo devi he yin jiji to owhé ṣie gbè lẹ.* Yẹn sọ tindo kanlin-yìnyìn susu—enẹ wẹ oyìn po lẹngbọ lẹ po+—yèdọ hú mẹdepope he nọ Jelusalẹm jẹnukọnna mi. 8 Yẹn bẹ fataka po sika po pli,+ yèdọ adọkunnu* ahọlu lẹ po ayimatẹn lẹ po tọn.+ Yẹn bẹ hànjitọ sunnu po yọnnu lẹ po pli gọna nuhe nọ hẹn awuvivi daho wá na visunnu gbẹtọ tọn lẹ—yèdọ yọnnu, mọwẹ yọnnu susu.*