22 “Enẹwutu, Oholiba, nuhe Oklunọ Nupojipetọ Jehovah dọ die: ‘Yẹn na fọ́n mẹyiwanna towe+ he hiẹ* ko yí wangbẹna do jodo lẹ sọta we, yẹn nasọ hẹn yé wá sọn awà lẹpo ji nado diọnukunsọ we,+ 23 visunnu Babilọni tọn lẹ+ po Kaldeanu lẹpo+ po, gọna sunnu Pekodi,+ Ṣoa po Koa po tọn lẹ to pọmẹ hẹ visunnu Asilia tọn lẹpo. Yemẹpo wẹ sọ yin dẹpẹ whanpẹnọ lẹ, ayimatẹn-gán lẹ, ogán nukunpedonugotọ lẹ, awhànfuntọ lẹ po omẹ ṣinṣinyan* lẹ po, yemẹpo sọ to osọ́ lẹ ji.