47 Mẹdepope he wá dè e bo sè ohó ṣie lẹ bosọ basi yé, yẹn na do mẹhe nkọ ewọ yin hia mì:+ 48 Ewọ taidi dawe de he to ohọ̀ gbá bo kùn odò he yìdo taun bosọ do dodonu do osé ji. Enẹwutu, to whenue singigọ wá, tọ̀sisa lọ hò jẹ ohọ̀ lọ go, ṣigba e ma sinyẹn sọmọ nado whàn ẹn, na e yin gbigbá ganji wutu.+ 49 To alọ devo mẹ, mẹdepope he sè bo ma basi i,+ tin taidi dawe he gbá ohọ̀ do aigba ji matin dodonu de. Tọ̀sisa hò jẹ e go, podọ to afọdopolọji, e họ́, gbakija ohọ̀ enẹ tọn sọ yin daho.”

25 Ṣigba, mẹhe zín nukun do osẹ́n pipé+ he yin mẹdekannujẹ tọn lọ mẹ bo zindonukọn to e mẹ ko lẹzun basitọ azọ́n lọ tọn, e ma yin sisètọ nuwọntọ; ewọ nasọ yin ayajẹnọ to nuhe wà e te mẹ.+