5 Enẹwutu, e hẹn ẹn yì fihe yiaga de bo do ahọluduta aigba ji tọn lẹpo hia ẹ to nukunwhiwhe dopo mẹ.+ 6 Enẹgodo, Lẹgba dọna ẹn dọmọ: “Yẹn na na we aṣẹpipa ehe lẹpo po gigo yetọn po, na yé ko yin zizedo alọmẹ na mi,+ podọ mẹdepope he jlo mi wẹ yẹn na na. 7 Enẹwutu, eyin hiẹ basi sinsẹ̀n whladopo to nukọn ṣie, popolẹpo na lẹzun towe.” 8 Jesu gblọnna ẹn dọmọ: “E ko yin kinkan dọ, ‘Jehovah* Jiwheyẹwhe towe wẹ hiẹ dona nọ sẹ̀n, podọ ewọ kẹdẹ wẹ hiẹ dona nọ wà sinsẹ̀nzọn wiwe hlan.’”+