16 Ṣigba, to whenue owhè ko jai, gbẹtọ lẹ hẹn susu mẹhe tindo gbigbọ aovi tọn lẹ wá e dè; podọ e yí ohó do yàn gbigbọ lọ lẹ jẹgbonu, bo hẹnazọ̀ngbọna mẹhe ma to gángán lẹpo, 17 na nuhe yin didọ gbọn yẹwhegán Isaia gblamẹ nido sọgan yin hinhẹndi, dọmọ: “Ewọ lọsu yí awutu mítọn lẹ bo bẹ azọ̀n mítọn lẹ hẹn.”+

32 To whenue tenu ko do bọ owhè ko yihọ pó godo, gbẹtọ lẹ jẹ awutunọ lẹ po mẹhe tindo gbigbọ aovi tọn lẹ po hẹnwa na ẹn ji;+ 33 podọ tòdaho lọ pete pli do ohọ̀n lọ nukọn. 34 Enẹwutu, e hẹnazọ̀ngbọna mẹsusu he to azọ̀n voovo jẹ lẹ,+ bo yàn aovi susu jẹgbonu, ṣigba e ma nọ dike aovi lẹ ni dọho, na yé yọnẹn dọ ewọ wẹ Klisti* wutu.