16 Na avún lẹ ko lẹdo mi pé;+

Yé glọn mi do taidi pipli ylanwatọ lẹ tọn,+

Yé zlọn jẹ alọ po afọ ṣie lẹ po ji taidi kinnikinni de.+

18 Yé má awù ṣie lẹ to yede ṣẹnṣẹn,

Yé sọ de ovò do avọ̀ ṣie lẹ ji.+

 7 Ewọ yin kọgbidina+ bosọ jo ede do nado yin yasana,+

Ṣigba, e ma kẹnù.

Ewọ yin hinhẹnwa hùhùtẹn taidi lẹngbọ de,+

Kẹdẹdi lẹngbọ asi de he to whii to fúnpatọ etọn lẹ nukọn,

E masọ kẹnù.+

 8 Ewọ yin zize sọyi, na kọgbidinamẹ po whẹdida mawadodo po wutu;

Podọ mẹnu wẹ na tlẹ na ayidonugo zẹẹmẹ gigọ́ whẹndo* etọn tọn?

Na ewọ yin sinsánsẹ sọn aigba mẹhe togbẹ̀ lẹ tọn ji;+

Yè linú in,* na sẹ́nhẹngba omẹ ṣie lẹ tọn wutu.+

 9 Ṣiọditẹn de sọ yin nina ẹn* to pọmẹ hẹ mẹylankan lẹ,+

Podọ to pọmẹ hẹ adọkunnọ lẹ* to whenue e kú,+

Mahopọnna dọ e ma wà nuylankan* depope,

Bọ oklọ depope ma tin to onù etọn mẹ.+