36 Kẹdẹdile e yin kinkandai do dọmọ: “Na towe tọn wutu wẹ yè to mí hù to whelẹponu, mí ko yin pinpọnhlan taidi lẹngbọ he na yin hùhù.”+

23 Lizọnyizọnwatọ Klisti tọn lẹ wẹ yé yin ya? Yẹn gblọn di tadunọ, yẹn wẹ yinmọ hugan: N’ko wazọ́n susu+ bo ko yì gànmẹ whlasusu+ bosọ jiya mẹhiho madosọha lẹ tọn, podọ whlasusu wẹ yẹn mọ dee to kúdonu.+ 24 Whla atọ́n wẹ Ju lẹ yí obá do hò mi whla kande e whè dopo,+ 25 whla atọ̀n wẹ yẹn yin hihò po opò lẹ po,+ whladopo wẹ yẹn yin zannu dlan do,+ whla atọ̀n wẹ ohún siọ mi,+ yẹn ko nọ hùzànmẹ na ozán dopo, okle dopo; 26 to gbejizọnlin lẹ mẹ gbọzangbọzan, to owù lẹ mẹ to otọ̀ ji, to owù lẹ mẹ sọn jaguda lẹ dè, to owù lẹ mẹ sọn omẹ ṣie titi lẹ dè,+ to owù lẹ mẹ sọn akọta lẹ dè,+ to owù lẹ mẹ to tòdaho lẹ mẹ,+ to owù lẹ mẹ to danfafa ji, to owù lẹ mẹ to ohù ji, to owù lẹ mẹ to mẹmẹsunnu lalo lẹ ṣẹnṣẹn, 27 to tuklajẹ po magbọjẹ po mẹ, to amlọnmadọ́ to zánmẹ gbọzangbọzan mẹ,+ to huvẹ po nugbla po mẹ,+ to onú ma dù whlasusu mẹ,+ to avivọ po avọ̀ matindo to ogo* po mẹ.