5 Podọ nuhe taidi mẹdida ẹnẹ tin to ṣẹnṣẹn etọn,+ dopodopo mẹdida lọ lẹ tọn tindo awusọhia gbẹtọ tọn de. 6 Dopodopo yetọn tindo nukunmẹ ẹnẹ po awà ẹnẹ po.+ 7 Afọ yetọn lẹ jlọ, ofẹ̀n yetọn lẹ sọ taidi ofẹ̀n oyìnvu de tọn, yé sọ to sisẹ́ taidi sisẹ́ gànvẹẹ kinkọ̀n de tọn.+ 8 Yé tindo alọ gbẹtọ tọn lẹ to awà yetọn lẹ glọ to adà ẹnẹ lẹ mẹ, podọ yé omẹ ẹnẹ lẹ tindo nukunmẹ po awà lẹ po. 9 Awà yetọn lẹ jẹ yede go. Yé ma nọ lilẹ́ eyin yé to yìyì; dopodopo yetọn nọ zọ̀n tlọlọ.+

10 Awusọhia he nukunmẹ yetọn lẹ tindo die: Dopodopo mẹdida ẹnẹ lọ lẹ tọn tindo nukunmẹ gbẹtọ tọn po kinnikinni+ tọn po to adusiwhé, nukunmẹ oyìnsú+ de tọn to amiyọnwhé, dopodopo yetọn sọ tindo nukunmẹ akùn+ de tọn.+