Salmu lẹ

67 Jiwheyẹwhe na nọ do nukundagbe hia mí bo na nọ dona mí;

Ewọ na nọ hẹn nukunmẹ etọn sẹ́ do mí ji+ (Sela)

 2 Na aliho towe nido yin yinyọnẹn lẹdo aihọn pé,+

Bọ azọ́n whlẹngán tọn towe lẹ na yin yinyọnẹn to akọta lẹpo ṣẹnṣẹn.+

 3 Jiwheyẹwhe E, gbọ gbẹtọ lẹ ni nọ pà we;

Gbọ gbẹtọ lẹpo ni nọ pà we.

 4 Gbọ akọta lẹ ni jaya bo yí ayajẹ do dawhá,+

Na hiẹ na dawhẹ jijlọ na gbẹtọ lẹ.+

 5 Jiwheyẹwhe E, gbọ gbẹtọ lẹ ni nọ pà we;

Gbọ gbẹtọ lẹpo ni nọ pà we.

 6 Aigba na nọ de sinsẹ́n etọn tọ́n;+

Jiwheyẹwhe, yèdọ Jiwheyẹwhe mítọn, na nọ dona mí.+

 7 Jiwheyẹwhe na nọ dona mí,

Podọ opodo aigba tọn lẹpo wẹ na nọ dibusi i.*+