Amọsi

 4 Mì dotó ehe, mì mẹhe nọ tùnafọ wamọnọ ji

Podọ mì mẹhe nọ hẹn opodo wá homẹmimiọnnọ aigba lọ tọn ji lẹ,+

 5 Mì mẹhe nọ dọ dọ, ‘Whetẹnu wẹ hùnwhẹ osun yọyọ lọ tọn na wayi,+ na mí nido sà jinukun mítọn,

Podọ Gbọjẹzan lọ ga,+ na mí nido jla jinukun mítọn na gbẹtọ lẹ?

Na mí nido dealọpòna ojlẹnu efa* tọn

Bo hẹn nujlẹgàn ṣekẹli* tọn klo,

Bosọ wleawuna nujlẹnu oklọ tọn mítọn lẹ;+

 6 Na mí nido yí fataka do họ̀ agbátọnọ

Bo yí afọpa afọ awe lẹ tọn do họ̀ wamọnọ,+

Bosọ sà jinukun he gble lẹ.’

 7 Jehovah ko yí Gigo Jakọbu tọn do whlé,+

‘Yẹn ma na wọn walọ yetọn lẹpo gbede.+

 8 Na ehe wutu, aigba lọ na sisọ,

Mẹhe nọ nọ̀ e mẹ lẹpo nasọ biọ aluẹmẹ.+

Be aigba lọ pete ma na fọ́n taidi Nile,

Bo na nọ fọnadán bosọ nọ họ́ wá odò taidi Nile Egipti tọn wẹ ya?’+

 9 ‘To azán enẹ gbè,’ wẹ Oklunọ Nupojipetọ Jehovah dọ,

‘N’na hẹn owhè nado yihọ to owhè ṣádada mẹ,

N’nasọ hẹn zinvlu do to aigba lọ ji to kléwhète.+

10 Yẹn na diọ hùnwhẹ mìtọn lẹ zun aluẹmẹninọ+

Podọ ohàn mìtọn lẹpo zun avihàn.*

Yẹn na hẹn mẹlẹpo nado do odẹ́vọ̀ do alinkàn bo na hẹn ahọ̀n lẹpo mọ́n;

Yẹn na basi i taidi aluẹmẹninọ na visunnu dopo gee de,

Podọ opodo etọn taidi azán he vẹ́ de.’

11 ‘Pọ́n! Azán lẹ ja,’ wẹ Oklunọ Nupojipetọ Jehovah dọ,

‘Whenue yẹn na do huvẹ de hlan aigba lọ ji,

E ma na yin huvẹ akla tọn de kavi nugbla osin tọn de gba,

Ṣigba, nado sè ohó Jehovah tọn lẹ.+

12 Yé na to sàmù sọn ohù de kọ̀n jẹ devo kọ̀n

Podọ sọn agewaji yì hùwaji.

13 To azán enẹ gbè, awhli whanpẹnọ lẹ na dakú,

Podọ jọja sunnu lẹ ga, na nugbla lọ wutu;

14 Mẹhe nọ whlé gbọn whẹhuhu Samalia tọn+ dali bo nọ dọ dọ,

“Dani E,+ dile e na dẹnsọ bọ yẹwhe towe na togbẹ̀!”