2 Ahọlu lẹ

24 To azán Jehoiakimi tọn lẹ gbè, Ahọlu Nẹbukadnẹzali+ Babilọni tọn tọ́nawhàn ẹn bọ Jehoiakimi lẹzun devi etọn na owhe atọ̀n. Etomọṣo, e diọnukunsọ ẹ bo ṣiatẹ. 2 Jehovah sọ jẹ jaguda-gbẹ́ Kaldeanu,+ Silianu, Moabinu po Amọninu lẹ po tọn lẹ dohlan sọta ẹ ji. E to yé dohlan mapote sọta Juda nado và ẹ sudo, sọgbe hẹ ohó he Jehovah ko dọ+ gbọn devizọnwatọ etọn yẹwhegán lẹ gblamẹ. 3 E họnwun dọ gbọn gbedide Jehovah tọn gblamẹ wẹ onú ehe jọ do Juda go te, nado de yé sẹ̀ sọn nukọn etọn,+ na ylando he Manasse ko wà lẹpo wutu,+ 4 gọna ohùn homẹvọnọ tọn he e sọndai,+ na e ko hẹn Jelusalẹm gọ́ na ohùn homẹvọnọ tọn bọ Jehovah ma jlo na jona ẹn.+

5 Na nuhe dù otàn Jehoiakimi tọn he pò, yèdọ nuhe e wà lẹpo, be e ma yin kinkan do owe whenuho ahọlu Juda tọn lẹ tọn mẹ ya?+ 6 Jehoiakimi sọ yin hinhẹn nado mlọnai hẹ tọgbo etọn lẹ;+ visunnu etọn Jehoiakini sọ lẹzun ahọlu do otẹn etọn mẹ.

7 Ahọlu Egipti tọn masọ hà bo tọ́nyi sọn aigba etọn ji gbede ba, na ahọlu Babilọni tọn ko bẹ nutindo ahọlu Egipti tọn lẹpo,+ sọn Agbàdo Tọ̀sisa tọn* Egipti tọn+ kọ̀n kaka yì Tọ̀sisa Euflate kọ̀n.+

8 Owhe 18 wẹ Jehoiakini+ tindo to whenue e duahọlu, e sọ dugán to Jelusalẹm na osun atọ̀n.+ Oyín onọ̀ etọn tọn wẹ Nẹhuṣita viyọnnu Ẹlnatani Jelusalẹm tọn. 9 E zindonukọn nado to nuhe ylan to nukun Jehovah tọn mẹ lẹ wà, sọgbe hẹ nuhe otọ́ etọn ko wà lẹpo. 10 To ojlẹ enẹ mẹ, devizọnwatọ Ahọlu Nẹbukadnẹzali Babilọni tọn lẹ hẹji wá nado tọ́nawhàn Jelusalẹm bo dosla lẹdo tòdaho lọ.+ 11 Ahọlu Nẹbukadnẹzali Babilọni tọn wá tòdaho lọ mẹ dile devizọnwatọ etọn lẹ ko dosla lẹdo e.

12 Ahọlu Jehoiakini Juda tọn tọ́nyi nado pé ahọlu Babilọni tọn,+ to pọmẹ hẹ onọ̀ etọn, devizọnwatọ etọn lẹ, ahọvi etọn lẹ po ahọluzọnwatọ họ̀nmẹ tọn etọn lẹ po;+ ahọlu Babilọni tọn sọ wle e di kanlinmọ to owhe ṣinatọ̀ntọ gandudu etọn tọn mẹ.+ 13 Enẹgodo, e bẹ adọkunnu he to ohọ̀ Jehovah tọn mẹ lẹpo gọna dehe to owhé* ahọlu tọn gbè lẹ.+ E sán nuyizan sika tọn he Sọlomọni ahọlu Islaeli tọn ko basi do tẹmpli Jehovah tọn mẹ lẹpo do flinflin.+ Ehe jọ kẹdẹdile Jehovah ko dọ dọdai etọn do. 14 E bẹ mẹhe to Jelusalẹm lẹpo yì kanlinmọgbenu, gọna ahọvi lẹpo,+ awhànfuntọ huhlọnnọ lẹpo podọ anazọ́nwatọ po gànkọ̀ntọ* lẹpo po+—omẹ 10 000 wẹ e bẹ yì kanlinmọgbenu. Mẹdepope ma yin jijodo adavo hẹntọnọ klókló aigba lọ tọn lẹ.+ 15 Gbọnmọ dali, e hẹn Jehoiakini+ yì kanlinmọgbenu to Babilọni;+ e sọ bẹ onọ̀ ahọlu tọn, asi ahọlu tọn lẹ, ahọluzọnwatọ họ̀nmẹ tọn etọn lẹ po sunnu nukundeji aigba lọ tọn lẹ po sọn Jelusalẹm yì kanlinmọgbenu to Babilọni. 16 Ahọlu Babilọni tọn sọ bẹ awhànfuntọ lọ lẹpo yì kanlinmọgbenu to Babilọni, yèdọ omẹ 7 000 gọna anazọ́nwatọ po gànkọ̀ntọ* 1 000 po, yèdọ sunnu huhlọnnọ he plọn awhànfunfun lẹ kẹdẹ. 17 Ahọlu Babilọni tọn sọ yí Matania he yin tavẹ Jehoaikini tọn+ do doahọlu do otẹn etọn mẹ bo diọ oyín etọn zun Zedekia.+

18 Owhe 21 wẹ Zedekia tindo to whenue e duahọlu, e sọ dugán to Jelusalẹm na owhe 11. Oyín onọ̀ etọn tọn wẹ Hamutali+ viyọnnu Jelemia tọn sọn Libna. 19 E sọ zindonukọn nado to nuhe ylan to nukun Jehovah tọn mẹ lẹ wà, sọgbe hẹ nuhe Jehoiakimi ko wà lẹpo.+ 20 Na homẹgble Jehovah tọn wutu wẹ onú ehelẹ do jọ do Jelusalẹm po Juda po go, kaka ewọ do tùn yé dlan sọn nukọn etọn.+ Zedekia sọ ṣiatẹ sọta ahọlu Babilọni tọn.+