Ẹzla

8 Todin, omẹ ehelẹ wẹ nukọntọ whédo otọ́ yetọn lẹ tọn podọ todohukanji kúnkan mẹhe hẹji hẹ mi sọn Babilọni lẹ tọn to gandudu Ahọlu Altakẹlikesi+ tọn whenu: 2 sọn visunnu Finehasi+ tọn lẹ mẹ, Gẹlṣọmi; sọn visunnu Itamali+ tọn lẹ mẹ, Daniẹli; sọn visunnu Davidi tọn lẹ mẹ, Hatuṣi; 3 sọn visunnu Ṣekania tọn lẹ mẹ, sọn visunnu Paloṣi tọn lẹ mẹ, Zekalia bọ sunnu 150 sọ yin yiyidogọna ẹn; 4 sọn visunnu Pahati-moabi+ tọn lẹ mẹ, Eliẹho-enai visunnu Zelahia tọn bọ sunnu 200 sọ tin po e po; 5 sọn visunnu Zatu+ tọn lẹ mẹ, Ṣekania visunnu Jahaziẹli tọn bọ sunnu 300 sọ tin po e po; 6 sọn visunnu Adini+ tọn lẹ mẹ, Ebẹdi visunnu Jonatani tọn bọ sunnu 50 sọ tin po e po; 7 sọn visunnu Elami+ tọn lẹ mẹ, Jeṣaia visunnu Atalia tọn bọ sunnu 70 sọ tin po e po; 8 sọn visunnu Ṣefatia+ tọn lẹ mẹ, Zebadia visunnu Mikaẹli tọn bọ sunnu 80 sọ tin po e po; 9 sọn visunnu Joabi tọn lẹ mẹ, Obadia visunnu Jehiẹli tọn bọ sunnu 218 sọ tin po e po; 10 sọn visunnu Bani tọn lẹ mẹ, Ṣelomiti visunnu Josifia tọn bọ sunnu 160 sọ tin po e po; 11 sọn visunnu Bebai+ tọn lẹ mẹ, Zekalia visunnu Bebai tọn bọ sunnu 28 sọ tin po e po; 12 sọn visunnu Azgadi+ tọn lẹ mẹ, Johanani visunnu Hakatani tọn bọ sunnu 110 sọ tin po e po; 13 sọn visunnu Adonikami+ tọn lẹ mẹ, yèdọ mẹhe gbọngodo lẹ, yinkọ yetọn lẹ die: Elifelẹti, Jeiẹli po Ṣemaia po bọ sunnu 60 sọ tin po yé po; 14 podọ sọn visunnu Bigivai+ tọn lẹ mẹ, Utai po Zabbudi po bọ sunnu 70 sọ tin po yé po.

15 Yẹn pli yé do tọ̀sisa he nọ sà jẹ Ahava tó+ bọ mí sọ nọ finẹ na azán atọ̀n. Ṣigba, to whenue n’pọ́n mẹlọ lẹ po yẹwhenọ lẹ po mẹ, n’ma mọ Levinu depope to finẹ. 16 Enẹwutu, n’dowẹn hlan Eliezẹli, Aliẹli, Ṣemaia, Ẹlnatani, Jalibi, Ẹlnatani, Natani, Zekalia po Meṣulami po nado wá, yèdọ sunnu he yin nukọntọ lẹ gọna Joialibi po Ẹlnatani po he yin nuplọnmẹtọ lẹ. 17 Yẹn sọ na yé gbedide de nado yì Ido he yin nukọntọ lọ dè to fie nọ yin yiylọdọ Kasifia. N’dọna yé nado biọ to Ido po nọvisunnu etọn lẹ po, yèdọ devizọnwatọ tẹmpli mẹ tọn* he tin to Kasifia lẹ si nado hẹn lizọnyizọnwatọ lẹ wá na mí na ohọ̀ Jiwheyẹwhe mítọn tọn. 18 To whenuena e yindọ alọ dagbe Jiwheyẹwhe mítọn tọn tin to mí ji, yé hẹn dawe nuyọnẹntọ de wá sọn visunnu Mahli+ he yin ovivi Levi tọn, yèdọ visunnu Islaeli tọn lẹ mẹ, he nọ yin Ṣelebia,+ gọna visunnu etọn lẹ po nọvisunnu etọn lẹ po, sunnu 18; 19 gọna Haṣabia to pọmẹ hẹ Jeṣaia sọn Melalinu+ lẹ mẹ, gọna nọvisunnu etọn lẹ po visunnu yetọn lẹ po, sunnu 20. 20 Podọ devizọnwatọ tẹmpli mẹ tọn* 220, ehe Davidi po ahọvi lẹ po ko de na sinsẹ̀nzọn Levinu lẹ tọn, bọ yemẹpo wẹ yin dide gbọn yinkọ dali.

21 To whenẹnu, n’lá nùbibla de to finẹ to tọ̀sisa Ahava tó, na mí nido whiwhẹ míde to Jiwheyẹwhe mítọn nukọn, nado dín anademẹ etọn na gbejizọnlin mítọn, yèdọ na míwlẹ podọ na ovi mítọn lẹ po nutindo mítọn lẹpo po. 22 Winyan hù mi nado biọ awhànfuntọ po osọ́nọ lẹ po ahọlu nado basi hihọ́na mí sọn kẹntọ lẹ si to aliji, na mí ko dọna ahọlu dọmọ: “Alọ dagbe Jiwheyẹwhe mítọn tọn tin to mẹhe to dindin in lẹpo ji,+ ṣigba huhlọn po homẹgble etọn po tin sọta mẹhe gbẹ́ ẹ dai lẹpo.”+ 23 Enẹwutu, mí blanù bo basi obiọ hlan Jiwheyẹwhe mítọn gando ehe go, ewọ sọ sè ovẹ̀ mítọn.+

24 Todin, n’de ogán yẹwhenọ lẹ tọn 12 dovo, enẹ wẹ Ṣelebia po Haṣabia+ po gọna nọvisunnu yetọn ao. 25 N’sọ jlẹ fataka, sika po nuyizan lọ lẹ po na yé, yèdọ nunina he ahọlu, ayinamẹtọ etọn lẹ, ahọvi etọn lẹ po Islaelivi he to finẹ lẹpo po ko basi na ohọ̀ Jiwheyẹwhe mítọn tọn.+ 26 Gbọnmọ dali, n’jlẹ fataka talẹnti* 650, nuyizan fataka tọn 100 he sọzẹn hẹ talẹnti 2, sika talẹnti 100, 27 agbán sika tọn pẹvipẹvi 20 he sọzẹn hẹ daliki* 1 000 gọna nuyizan gànvẹẹ tọn dagbedagbe vẹẹ ṣẹ́ṣẹ́ 2 he yọ́npọ́n di sika.

28 N’sọ dọna yé dọmọ: “Omẹ wiwe wẹ mìwlẹ yin na Jehovah,+ nuyizan lọ lẹ sọ yin wiwe, bọ avọ́nunina sọn ojlo mẹ wá de wẹ fataka po sika lọ lẹ po yin na Jehovah Jiwheyẹwhe tọgbo mìtọn lẹ tọn. 29 Mì wlebòna yé ganji kakajẹ whenue mì na jlẹ yé to ogán yẹwhenọ lẹ po Levinu lẹ po tọn gọna ahọvi whédo otọ́ Islaeli tọn lẹ tọn nukọn to Jelusalẹm,+ to abò* ohọ̀ Jehovah tọn lẹ mẹ.” 30 Yẹwhenọ po Levinu lọ lẹ po sọ yí fataka, sika po nuyizan he ko yin jijlẹ na yé lọ lẹ po nado sọgan hẹn yé wá Jelusalẹm to ohọ̀ Jiwheyẹwhe mítọn tọn mẹ.

31 To godo mẹ, mí dedo sọn tọ̀sisa Ahava+ kọ̀n to azán 12tọ osun tintan+ tọn gbè nado yì Jelusalẹm, alọ Jiwheyẹwhe mítọn tọn sọ tin to mí ji bọ e whlẹn mí sọn alọ kẹntọ tọn mẹ podọ sọn mẹhe tọ̀pọwuna mí to aliji lẹ si. 32 Enẹwutu, mí wá Jelusalẹm+ bo nọ finẹ na azán atọ̀n. 33 Podọ to azán ẹnẹtọ gbè, mí jlẹ fataka, sika po nuyizan lọ lẹ po to ohọ̀ Jiwheyẹwhe mítọn tọn mẹ+ bo bẹ yé do alọmẹ na Melemọti+ visunnu Ulija tọn, yèdọ yẹwhenọ lọ bọ Eleazali visunnu Finehasi tọn topọ hẹ ẹ, gọna Jozabadi+ visunnu Jeṣua tọn po Noadia visunnu Binnui+ tọn po he yin Levinu lẹ. 34 Nulẹpo wẹ yin hihia bo yin jijlẹ bọ sọha nuhe yin jijlẹ lọ tọn lẹpo sọ yin kinkandai. 35 Mẹhe tọ́n jei sọn kanlinmọgbenu lẹ, enẹ wẹ kanlinmọ dai tọn lẹ, basi avọ́sinsan mimẹ̀ lẹ hlan Jiwheyẹwhe Islaeli tọn, yèdọ oyìnsú 12+ do ota Islaeli pete tọn mẹ, agbò 96,+ lẹngbọvu asu 77 po gbọgbọẹ asu 12+ po taidi avọ́nunina ylando tọn; ehe lẹpo wẹ yin avọ́nunina mimẹ̀ hlan Jehovah.+

36 Enẹgodo, mí yí gbedide ahọlu tọn lẹ+ na agbegbe-gán* ahọlu tọn lẹ po ayimatẹn-gán lẹdo he tin to Tọ̀sisa lọ Godo*+ lẹ po tọn bọ yé sọ nọgodona mẹlọ lẹ po ohọ̀ Jiwheyẹwhe nugbo lọ tọn po.+