Salmu lẹ

37 A jẹflumẹ* na mẹylankan lẹ tọn wutu

Kavi whànwu ylanwatọ lẹ blo.+

 2 Yé na yọ́ po awuyiya po taidi ogbé+

Bo na hú taidi amamú pọpọ.

 3 Dejido Jehovah go bo nọ wà dagbe;+

Nọ nọ̀ aigba lọ ji bo nọ yinuwa po nugbonọ-yinyin po.+

 4 Nọ mọ awuvivi susu* to Jehovah mẹ,

Ewọ nasọ na we ojlo ahun towe mẹ tọn lẹ.

 5 Jo aliho towe do alọmẹ na* Jehovah;+

Ganjẹ ewọ go, e nasọ yinuwado ota towe mẹ.+

 6 Ewọ na hẹn dodowiwa towe họnwun taidi hinhọ́n okle tọn,

Podọ whẹdida dodo towe taidi hinhọ́n owhè ṣádada mẹ tọn.

 7 Nọ whii to Jehovah nukọn+

Bo nọtepọn ẹn po todido* po.

A jẹflumẹ, na dawe ayiha gigẹdẹnọ lọ

He to kọdetọn dagbe tindo wutu blo.+

 8 Jo homẹgble do bo gbẹ́ adidudu dai;+

A jẹflumẹ bo lẹhlan ylanwiwa kọ̀n blo.*

 9 Na ylanwatọ lẹ na yin vivasudo,+

Ṣigba, mẹhe nọ ze todido yetọn do Jehovah mẹ lẹ wẹ na dugu aigba tọn.+

10 Na whenu pẹẹde dogọ, mẹylankan lẹ ma na tin ba;+

Hiẹ na pọ́n fie yé nọ nọ̀ dai,

Yé ma nasọ to finẹ.+

11 Ṣigba, homẹmimiọnnọ lẹ wẹ na dugu aigba tọn,+

Yé nasọ nọ mọ awuvivi susu to jijọho susugege mẹ.+

12 Mẹylankan nọ to núbla do dodonọ go;+

E nọ to adúkúnkún dù do e go.

13 Ṣigba, Jehovah na kò e,

Na Ewọ yọnẹn dọ azán etọn ja.+

14 Mẹylankan lẹ dọ̀n ohí yetọn sún bo dlẹn ogá yetọn lẹ

Nado zìn mẹhe yè to kọgbidina lẹ po wamọnọ lẹ po dai,

Nado hù mẹhe aliho yetọn jlọ lẹ.

15 Ṣigba, ohí yetọn na sọ́ ahun yedetiti tọn;+

Ogá yetọn lẹ na yin winwẹ́n.

16 Vude he dodonọ tindo pọnte

Hú susugege he mẹylankan susu tindo.+

17 Na awà mẹylankan lẹ tọn na yin winwẹ́n,

Ṣigba, Jehovah na gọalọna dodonọ lẹ.

18 Jehovah yọ́n nuhe mẹ madoblọnọ lẹ to jujugbọn,*

Podọ ogú yetọn na nọ aimẹ kakadoi.+

19 Yé ma na yin winyando to ojlẹ nugbajẹmẹji tọn mẹ;

To ojlẹ huvẹ tọn mẹ, yewlẹ na tindo susugege.

20 Ṣigba, mẹylankan lẹ na dọ̀n;+

Kẹntọ Jehovah tọn lẹ na busẹ taidi kanlindugbo whanpẹnọ lẹ;

Yé na busẹ taidi azọ̀.

21 Mẹylankan wẹ nọ yàn bo ma nọ gọ̀jó,

Ṣigba, dodonọ nọ yin alọtlútọ* bo nọ nanúmẹ.+

22 Mẹhe Ewọ dona lẹ wẹ na dugu aigba tọn,

Ṣigba, mẹhe Ewọ hodẹ̀do lẹ na yin vivasudo.+

24 Eyin mẹlọ tlẹ jai, e ma na takiti,+

Na Jehovah nọ hẹn alọ go na ẹn.*+

25 Yẹn ko yin yọpọvu pọ́n, amọ́ n’ko whẹ́n mẹho todin,

Ṣigba, n’ma ko mọ dodonọ de bọ e yin gbigbẹdai,+

Kavi ovi etọn lẹ to núdùdù biọ.+

26 Ewọ nọ yàn namẹ sọn ojlo mẹ wá to whepoponu,+

Podọ ovi etọn lẹ na wá mọ dona.

27 Gbẹ́ oylan dai bo nọ wà dagbe,+

Hiẹ nasọ gbọṣi aimẹ kakadoi.

28 Na Jehovah yiwanna whẹdida dodo,

Podọ ewọ ma na gbẹ́ nugbonọ etọn lẹ dai.+

Yé na nọ yin hihọ́-basina to whepoponu;+

Ṣigba, kúnkan mẹylankan lẹ tọn na yin vivasudo.+

29 Dodonọ lẹ wẹ na dugu aigba tọn,+

Yé nasọ nọgbẹ̀ to e ji kakadoi.+

30 Onù dodonọ tọn nọ dọho nuyọnẹn tọn,*

Bọ odẹ́ etọn nọ dọho gando whẹdida dodo go.+

31 Osẹ́n Jiwheyẹwhe etọn tọn nọ tin to ahun etọn mẹ;+

Afọdide etọn lẹ ma na fẹ́.+

32 Mẹylankan nọ to dodonọ pọ́n,

Bo nọ to tintẹnpọn nado hù i.

33 Ṣigba, Jehovah ma na jo e do alọ omẹ mọnkọtọn tọn mẹ+

Kavi gblewhẹdo e to whenue e yin whẹdana.+

34 Ze todido towe do Jehovah mẹ bo nọ hodo aliho etọn,

Ewọ nasọ ze we daga nado dugu aigba tọn.

35 Yẹn ko mọ gbẹtọ danuwatọ, kanylantọ

Bọ e to vùnvùn di atin de he yọnwhanpẹ to aigba etọn ji.+

36 Ṣigba, ajiji mẹ wẹ e busẹ sọn aimẹ bo masọ tin ba;+

Yẹn dín in vẹkuvẹku, bo ma mọ ẹn.+

37 Doayi madoblọnọ* go,

Bosọ ze nukun towe do ahunjijlọnọ+ ji,

Na sọgodo omẹ enẹ tọn na gọ́ na jijọho.+

38 Ṣigba, sẹ́nhẹngbatọ lẹpo wẹ na yin vivasudo;

Sọgodo mẹylankan lẹ tọn na yin sinsánsẹ.+

39 Jehovah dè wẹ whlẹngán dodonọ lẹ tọn nọ wá sọn;+

Ewọ wẹ fibẹtado yetọn to ojlẹ ayimajai tọn mẹ.+

Ewọ na tún yé dote sọn alọ mẹylankan lẹ tọn mẹ bo na whlẹn yé,

Na yé nọ dín fibẹtado to ewọ mẹ wutu.+