Salmu lẹ

9 Jehovah E, yẹn na nọ yí ahun ṣie lẹpo do pà we;

Yẹn na nọ dọho gando azọ́njiawu towe lẹpo go.+

 2 Yẹn na nọ jaya bo nọ jẹaglin to hiẹ mẹ;

Yẹn na nọ jihàn pipà tọn lẹ do pà oyín towe, hiẹ Gigogán E.+

 3 To whenue kẹntọ ṣie lẹ na joagọyigodo,+

Yé na dahli bo busẹ sọn nukọn towe.

 4 Na hiẹ yí owhẹ̀ ṣie dọ do dodo ji;

Hiẹ sinai do ofìn towe ji bo to whẹda to dodo mẹ.+

 5 Hiẹ ko gbẹnuna akọta lẹ+ bo và mẹylankan lẹ sudo,

Bosọ súnsún yinkọ yetọn sẹ̀ kakadoi podọ doidoi.

 6 Kẹntọ ko yin huhusudo kakadoi;

Hiẹ họ̀nadọna tòdaho yetọn lẹ,

Oflin yetọn lẹpo wẹ nasọ zun winwọn.+

 7 Ṣigba, Jehovah na to ofìn ji kakadoi;+

Ewọ ko do ofìn etọn ai gligli nado dawhẹ dodo.+

 8 Ewọ na dawhẹna aigba to dodo mẹ;+

E na dawhẹ dodo na akọta lẹ.+

 9 Jehovah na lẹzun fibẹtado he tindo hihọ́* de na mẹhe yè to kọgbidina,+

Yèdọ fibẹtado he tindo hihọ́ de to ojlẹ ayimajai tọn lẹ mẹ.+

10 Mẹhe yọ́n oyín towe lẹ na nọ dejido gowe;+

Jehovah E, hiẹ ma na gbẹ́ mẹhe to dindin we lẹ dai gbede.+

11 Mì jihàn pipà tọn lẹ hlan Jehovah, he nọ nọ̀ Ziọni;

Mì hẹn azọ́n etọn lẹ zun yinyọnẹn to gbẹtọ lẹ ṣẹnṣẹn.+

12 Na Mẹhe nọ yiahọsu ohùn yetọn tọn na flin yé;+

Ewọ ma na wọn awhágbe mẹhe yè to yasana lẹ tọn.+

13 Do nukundagbe hia mi, Jehovah E; pọ́n lehe mẹhe gbẹwanna mi lẹ to yasana mi do,

Hiẹ mẹhe nọ fọ́n mi dote sọn họngbo okú tọn lẹ ji,+

14 Na yẹn nido nọ lá azọ́n towe he jẹna pipà lẹ to họngbo viyọnnu Ziọni tọn lẹ ji,+

Bosọ nọ jaya to azọ́n whlẹngán tọn towe lẹ mẹ.+

15 Akọta lẹ ko tlọ biọ odò he yelọsu kùn mẹ;

Odọ̀ he yé tá do nuglọ ko wle afọ yetọn titi.+

17 Mẹylankan lẹ na joagọyigodo hlan Yọdò* mẹ,

Yèdọ akọta he wọnji Jiwheyẹwhe go lẹpo.

18 Ṣigba, wamọnọ ma na nọ yin winwọn to whepoponu gba;+

Mọjanwẹ todido homẹmimiọnnọ lẹ tọn ma na sudo gbede do niyẹn.+

20 Dobu homẹ na yé, Jehovah E,+

Dike akọta lẹ ni yọnẹn dọ gbẹtọvi tata wẹ yé. (Sela)