Jọṣua

15 Aigba he yin mimá*+ na whẹndo he tin to hẹnnu Juda tọn mẹ lẹ dlẹnkan jẹ dogbó Edomi+ tọn po danfafa Zini tọn po kọ̀n podọ yì Negẹb to vivọnu hùwaji etọn tọn. 2 Dogbó hùwaji tọn yetọn bẹsọn vivọnu Ohù Ojẹ̀ tọn,*+ sọn zẹklan ohù tọn he pannukọn hùwaji lọ kọ̀n. 3 E sọ dlẹnkan yì hùwaji dedo agawaji Aklabimi tọn+ bo gbọnmọ yì Zini, enẹgodo e hẹji sọn hùwaji yì Kadẹṣi-balnea,+ kaka yì Hẹzloni bo hẹji yì Adali bosọ lilẹ́ pànta Kalka. 4 E sọ gbọnmọ yì Azmọni+ bo dlẹnkan yì Agbàdo Tọ̀sisa tọn* Egipti tọn kọ̀n,+ dogbó lọ sọ nọte do Ohù lọ* kọ̀n. Ehe wẹ dogbó hùwaji tọn yetọn.

5 Ohù Ojẹ̀ tọn* wẹ yin dogbó whèzẹtẹn-waji tọn yetọn yì vivọnu Jọdani tọn, bọ dogbó agosu agewaji tọn yetọn tin to zẹklan ohù tọn lọ kọ̀n, to vivọnu Jọdani tọn.+ 6 Dogbó lọ hẹji yì Bẹti-hogla+ bo gbọnmọ yì agewaji Bẹti-alaba+ tọn, dogbó lọ sọ hẹji yì zannu Bohani+ visunnu Leubẹni tọn kọ̀n. 7 Dogbó lọ hẹji yì Debili to Agbàdo Akọli tọn+ mẹ bo lilẹ́ pànta agewaji yì Gilgali,+ he pannukọn agawaji Adumimi tọn, ehe tin to hùwaji agbàdo tọ̀sisa tọn lọ tọn, dogbó lọ sọ gbọnmọ yì osin Ẹn-ṣemẹṣi+ tọn lẹ kọ̀n bo nọte do Ẹn-logẹli.+ 8 Dogbó lọ hẹji yì Agbàdo Visunnu Hinọmi tọn+ kọ̀n to dòdòmẹ Jẹbusinu+ lẹ tọn to hùwaji, enẹ wẹ Jelusalẹm,+ dogbó lọ sọ hẹji yì osó he pannukọn Agbàdo Hinọmi tọn lọ ji to whèyihọ-waji, ehe tin to vivọnu Agbàdo Lefaimi tọn to agewaji. 9 Dogbó lọ sọ yin dide bẹsọn osó lọ ji yì asisa osin Neftoa tọn+ kọ̀n bo dlẹnkan yì tòdaho he to Osó Eflọni ji lẹ mẹ; dogbó lọ sọ yin dide yì Baala, enẹ wẹ Kiliati-jealimi.+ 10 Dogbó lọ lilẹ́ sọn Baala pànta whèyihọ-waji yì Osó Seili kọ̀n bo gbọnmọ yì dòdòmẹ Osó Jealimi tọn to agewaji, enẹ wẹ Kesalọni, e sọ jẹte dedo Bẹti-ṣemẹṣi+ bo gbọnmọ yì Timna.+ 11 Dogbó lọ sọ dlẹnkan yì dòdòmẹ Eklọni+ tọn to agewaji, podọ e yin dide yì Ṣikelọni bo gbọnmọ yì Osó Baala kọ̀n bosọ dlẹnkan yì Jabneẹli, dogbó lọ sọ nọte do ohù lọ kọ̀n.

12 Ohù Daho lọ* po huto etọn po wẹ yin dogbó whèyihọ-waji tọn.+ Ehe wẹ dogbó lọ lẹdo pé na kúnkan Juda tọn lẹ sọgbe hẹ whẹndo yetọn lẹ.

13 Kalẹbi+ visunnu Jẹfunnẹ tọn mọ mimá de yí to kúnkan Juda tọn lẹ ṣẹnṣẹn dile Jehovah degbena Jọṣua do, mimá lọ wẹ Kiliati-alba (Alba ehe wẹ otọ́ Anaki tọn), enẹ wẹ Heblọni.+ 14 Enẹwutu, Kalẹbi yàn visunnu Anaki tọn+ atọ̀n lẹ sẹ̀ sọn finẹ: yèdọ Ṣeṣai, Ahimani po Talmai+ po he yin kúnkan Anaki tọn lẹ. 15 Enẹgodo, e hẹji sọn finẹ bo tọ́nawhàn mẹhe nọ nọ̀ Debili+ lẹ. (Kiliati-sefẹli wẹ Debili nọ yin dai.) 16 Kalẹbi sọ dọmọ: “Mẹdepope he gbawhàn Kiliati-sefẹli tọn bo yí i, yẹn na na ẹn Aksa viyọnnu ṣie taidi asi.” 17 Kenazi+ nọvisunnu Kalẹbi tọn sin visunnu he nọ yin Otniẹli+ sọ yí otò lọ. Enẹwutu, ewọ na ẹn Aksa+ viyọnnu etọn taidi asi. 18 To whenuena viyọnnu lọ jei asu etọn whé, e vẹ̀ asu etọn nado biọ aigba de sọn otọ́ etọn si. Enẹgodo, viyọnnu lọ jẹte sọn kẹtẹkẹtẹ etọn ji.* Kalẹbi sọ kanbiọ ẹ dọmọ: “Etẹwẹ hiẹ jlo?”+ 19 Viyọnnu lọ dọmọ: “Jaale, dona mi, aigba he tin to hùwaji* wẹ hiẹ kán na mi; na mi Guloti-maimi* ga.” Enẹwutu, Kalẹbi na ẹn Agawaji Guloti tọn po Dòwaji Guloti tọn po.

20 Ogú he yin nina hẹnnu Juda tọn sọgbe hẹ whẹndo yetọn lẹ niyẹn.

21 Tòdaho he tin to hùwaji pete na aigba hẹnnu Juda tọn, he dlẹnkan yì dogbó Edomi+ tọn kọ̀n lẹ wẹ: Kabzeẹli, Edeli, Jaguli, 22 Kina, Dimọna, Adada, 23 Kedẹṣi, Hazọli, Itnani, 24 Zifi, Telẹmi, Bealọti, 25 Hazọli-hadata po Keliọti-hezlọni po, enẹ wẹ Hazọli, 26 gọna Amami, Ṣema, Molada,+ 27 Hazali-gada, Hẹṣmọni, Bẹti-pelẹti,+ 28 Hazali-ṣuali, Beẹli-ṣeba,+ Biziotia, 29 Baala, Imi, Ẹzemi, 30 Ẹltoladi, Kesili, Họlma,+ 31 Ziklagi,+ Madmana, Sansanna, 32 Lebaọti, Ṣilihimi, Aini po Limọni+ po—tòdaho lọ lẹpo yin 29 gọna gbétatò yetọn lẹ.

33 Tòdaho he tin to Ṣefela+ lẹ wẹ: Eṣitaoli, Zola,+ Aṣina, 34 Zanoa, Ẹn-gannimi, Tapua, Enami, 35 Jalmuti, Adulami,+ Sokohi, Azeka,+ 36 Ṣaalaimi,+ Aditaimi, Gedela po Gedelotaimi po*—tòdaho 14 po gbétatò yetọn lẹ po.

37 Zenani, Hadaṣa, Migdali-gadi, 38 Dileani, Mizpẹ, Jọkteẹli, 39 Lakiṣi,+ Bọzkati, Eglọni, 40 Kabọni, Lahimami, Kitliṣi, 41 Gedeloti, Bẹti-dagọni, Naama po Makeda+ po—tòdaho 16 po gbétatò yetọn lẹ po.

42 Libna,+ Ẹteli, Aṣani,+ 43 Ifta, Aṣina, Nezibi, 44 Keila, Akzibi po Malẹṣa po—tòdaho ṣinẹnẹ po gbétatò yetọn lẹ po.

45 Eklọni po tòpẹvi he to oglọ na ẹn* lẹ po gọna gbétatò etọn lẹ; 46 sọn Eklọni yì whèyihọ-waji, tòdaho he tin to Aṣidọdi pá lẹpo gọna gbétatò yetọn lẹ.

47 Aṣidọdi,+ tòpẹvi he to oglọ na ẹn* lẹ po gbétatò etọn lẹ po; Gaza,+ tòpẹvi he to oglọ na ẹn lẹ po gbétatò etọn lẹ po, kaka yì Agbàdo Tọ̀sisa tọn Egipti tọn lọ kọ̀n, Ohù Daho lọ* po agbegbe he to apá etọn lọ po.+

48 Podọ tòdaho he tin to lẹdo osó tọn lọ mẹ lẹ wẹ Ṣamili, Jatili,+ Sokohi, 49 Danna, Kiliati-sanna, enẹ wẹ Debili, 50 gọna Anabi, Eṣitemọ,+ Animi, 51 Goṣẹni,+ Holọni po Gilo+ po—tòdaho 11 po gbétatò yetọn lẹ po.

52 Alabi, Duma, Eṣani, 53 Janimi, Bẹti-tapua, Afeka, 54 Humta, Kiliati-alba, enẹ wẹ Heblọni+ po Ziọli po—tòdaho ṣinẹnẹ po gbétatò yetọn lẹ po.

55 Maoni,+ Kalmẹli, Zifi,+ Juta, 56 Jezleẹli, Jọkdeami, Zanoa, 57 Kaeni, Gibea po Timna+ po—tòdaho ao po gbétatò yetọn lẹ po.

58 Halihuli, Bẹti-zuli, Gedọli, 59 Maalati, Bẹti-anọti po Ẹltekọni po—tòdaho ṣidopo po gbétatò yetọn lẹ po.

60 Kiliati-baali, enẹ wẹ Kiliati-jealimi+ po Laba po—tòdaho awe po gbétatò yetọn lẹ po.

61 Tòdaho he tin to danfafa ji lẹ wẹ Bẹti-alaba,+ Midini, Sekaka, 62 Nibṣani, Tòdaho Ojẹ̀ tọn po Ẹn-gẹdi+ po—tòdaho ṣidopo po gbétatò yetọn lẹ po.

63 Na nuhe dù Jẹbusinu lẹ+ he nọ nọ̀ Jelusalẹm,+ sunnu Juda tọn lẹ ma penugo nado yàn yé sẹ̀ sọn finẹ,+ enẹwutu Jẹbusinu lẹ nọ nọhẹ omẹ Juda tọn lẹ to Jelusalẹm kakajẹ egbehe.