Salmu lẹ

1 Ayajẹnọ wẹ mẹhe ma nọ zinzọnlin sọgbe hẹ ayinamẹ mẹylankan lẹ tọn

Bo ma nọ nọte to aliho ylandonọ lẹ tọn ji+

Bo masọ nọ sinai to oján mẹṣankotọ lẹ tọn ji.+

 2 Ṣigba, osẹ́n Jehovah tọn mẹ wẹ e nọ mọ awuvivi te,+

Bo nọ yí ogbè dẹẹdẹ do to osẹ́n Etọn hia* to okle po ozán po.+

 3 Ewọ na taidi atin de he yin dido do asisa osin tọn lẹ tó,

Yèdọ atin de he nọ de sinsẹ́n tọ́n to osaa etọn mẹ,

Bọ amà etọn lẹ ma nọ yọ́.

 4 E ma nọ yinmọ na mẹylankan lẹ;

Yewlẹ taidi ofló he jẹhọn nọ ze yì.

 5 Enẹ wẹ zọ́n bọ mẹylankan lẹ ma na gbọṣi ote to whẹdida whenu;+

Mọjanwẹ ylandonọ lẹ ma na gbọṣi ote to pipli dodonọ lẹ tọn mẹ do niyẹn.+

 6 Na Jehovah yọ́n aliho dodonọ lẹ tọn,+

Ṣigba, aliho mẹylankan lẹ tọn na busẹ.+