Nuhe Mí Sọgan Plọn sọn Ohó Jiwheyẹwhe Tọn mẹ Lẹ

Biblu bẹ owẹ̀n kavi ohó Jiwheyẹwhe tọn hẹn na mí to egbehe. E do lehe mí sọgan zan gbẹzan mítọn po kọdetọn dagbe po do, po nuhe mí sọgan wà nado tindo nukundagbe Jiwheyẹwhe tọn po hia mí. E sọ na gblọndo kanbiọ he bọdego lẹ tọn:

1 Mẹnu wẹ Jiwheyẹwhe?
2 Nawẹ hiẹ sọgan plọnnu gando Jiwheyẹwhe go gbọn?
3 Mẹnu wẹ kàn Biblu?
4 Be Biblu sọgbe to lẹnunnuyọnẹn-liho ya?
5 Owẹ̀n tẹwẹ Biblu bẹhẹn?
6 Dọdai tẹlẹ wẹ Biblu dọ gando Mẹsia lọ go?
7 Dọdai tẹlẹ wẹ Biblu dọ gando azán mítọn go?
8 Be Jiwheyẹwhe wẹ mí dona dowhẹ na oyà he gbẹtọvi lẹ to jiji ya?
9 Naegbọn gbẹtọvi lẹ do nọ jiya?
10 Etẹwẹ yin opagbe Biblu tọn gando sọgodo go?
11 Etẹwẹ nọ jọ do mẹde go to whenue mẹlọ kú?
12 Todido tẹwẹ mí sọgan tindo gando oṣiọ lẹ go?
13 Etẹwẹ Biblu dọ gando azọ́nwiwa go?
14 Nawẹ hiẹ sọgan nọ zan nutindo towe lẹ po nuyọnẹn po gbọn?
15 Nawẹ hiẹ sọgan tindo ayajẹ gbọn?
16 Nawẹ hiẹ sọgan duto magbọjẹ ji gbọn?
17 Nawẹ Biblu sọgan gọalọna whẹndo towe gbọn?
18 Nawẹ hiẹ sọgan dọnsẹpọ Jiwheyẹwhe gbọn?
19 Etẹwẹ owe voovo he tin to Biblu mẹ lẹ bẹhẹn?
20 Nawẹ hiẹ sọgan mọaleyi to gigọ́ mẹ sọn Biblu hihia towe mẹ gbọn?

LEHE A SỌGAN DÍN WEFỌ BIBLU TỌN LẸ DO

Biblu bẹ owe pẹvipẹvi 66 hẹn. E yin mimá do adà awe ji: Owe-wiwe Heblu po Alamaiki po tọn lẹ (“Alẹnu Hoho”) po Owe-wiwe Glẹki tọn lẹ po (“Alẹnu Yọyọ”). Owe Biblu tọn dopodopo bẹ weta po wefọ lẹ po hẹn. To whenue wefọ Biblu tọn lẹ yin dide, sọha tintan he nọ bọdo yinkọ owe lọ tọn go nọ nọtena weta, podọ sọha awetọ vlavo dopo kavi susu, nọ dlẹnalọdo wefọ owe lọ tọn. Di apajlẹ, Jenẹsisi 1:1, zẹẹmẹdo Jenẹsisi weta 1, wefọ 1.