Mẹnu lẹ Wẹ Yin Họntọn Jiwheyẹwhe Tọn?

Jesu Klisti yin Visunnu Jehovah tọn podọ họntọn etọn vivẹ, alọmayiemẹ. Whẹpo e do wá nọgbẹ̀ taidi gbẹtọ de to aigba ji, Jesu ko nọgbẹ̀ to olọn mẹ taidi nudida gbigbọnọ huhlọnnọ de. (Johanu 17:5) Enẹgodo e wá aigba ji nado plọn nugbo lọ gbẹtọ lẹ dogbọn Jiwheyẹwhe dali. (Johanu 18:37) E sọ ze ogbẹ̀ gbẹtọvi tọn etọn dai nado whlẹn gbẹtọvi tonusetọ lẹ sọn ylando po okú po si. (Lomunu lẹ 6:23) Todin Jesu wẹ yin Ahọlu Ahọluduta Jiwheyẹwhe tọn tọn, yèdọ gandudu de sọn olọn mẹ he na hẹn Paladisi wá aigba ehe ji.—Osọhia 19:16.

Angẹli lẹ lọsu yin họntọn Jiwheyẹwhe tọn ga. Angẹli lẹ ma bẹ gbẹzan yetọn jẹeji taidi gbẹtọvi lẹ to aigba ji gba. Yé ko yin didá to olọn mẹ whẹpo Jiwheyẹwhe do dá aigba. (Job 38:4-7) Livi susu angẹli lẹ tọn wẹ tin. (Daniẹli 7:10) Họntọn olọn mẹ tọn Jiwheyẹwhe tọn ehelẹ jlo dọ gbẹtọ lẹ ni plọn nugbo lọ dogbọn Jehovah dali.—Osọhia 14:6, 7.

Jiwheyẹwhe sọ tindo họntọn lẹ to aigba ji ga; e nọ ylọ yé dọ kunnudetọ etọn lẹ. Mẹhe yin kunnudetọ de to whẹdatẹn nọ dọ nuhe ewọ yọnẹn dogbọn mẹde kavi nude dali. Kunnudetọ Jehovah Tọn lẹ ehovah tọn lẹ nọ dọ nuhe yé yọnẹn dogbọn Jehovah po lẹndai etọn lẹ po dali na mẹdevo lẹ. (Isaia 43:10) Taidi angẹli lẹ, Kunnudetọ lẹ jlo nado plọn we nugbo lọ dogbọn Jehovah dali. Yé jlo dọ hiẹ lọsu ni yin họntọn Jiwheyẹwhe tọn ga.