Mí Dona Họ́ Ahun Mítọn

1. Mí dona họ́ ahun mítọn

Bo dapana ylando.

Jẹwhe nọ mọ ahun mẹ hlan;

E yọ́n mẹhe mí yin.

Ahun mítọn sọgan klọ mí

Bosọ hẹn mí danbú.

Mí ni bo plọn ahun mítọn

Do ali Jah tọn ji.

2. Gbọn ’dẹ̀ dali, mí nọ dín Jah

Po ahun lẹpo po.

Mí nọ dopẹn’ẹn egbesọ,

Na alọgọ etọn.

Mí na yí oplọn dagbe he

Jehovah nọ na mí,

Bo yin nugbonọ t’ahun mẹ

Nado nọ hẹn’ẹn jaya.

3. Mí dona ṣọ́ ahun mítọn,

Ma nado lẹn ylankan.

Mí jlo dọ ’Hó Jehovah tọn

Ni whàn ahun mítọn.

Jah yiwanna nugbonọ lẹ;

Mí kudo enẹ ji.

Mí ni bo sẹ̀n’ẹn kakadoi

Po ahun lẹpo po.