Gbẹtọ Mẹtọnhopọ́ntọ Lẹ

KUNNUDETỌ JEHOVAH tọn lẹ yin titobasinanu akọjọpli tọn de he hugan Biblu plọntọ livi ẹnẹ he yin titobasina do nuhe hugan agun lẹdo aihọn pé 69 000 lẹ mẹ. E ma yin dọ Kunnudetọ Jehovah tọn lẹ zé yede jó kiki nado gọalọna gbẹtọ lẹ nado plọnnu dogọ dogbọn lẹndai Jiwheyẹwhe tọn lẹ dali kẹdẹ gba ṣigba yé sọ yiwanna ode awetọ ga dile Jesu Klisti degbe etọn do. (Johanu 13:34, 35) Owanyi ehe yin didohia to aliho yọn-na-yizan lẹ mẹ.

Di dohia, to ojlẹ de mẹ wayì diblayì Kunnudetọ 30 sọn Agun East San Marcos, Califonie, plidopọ na nududu afọnnu tọn to ogàn ṣidoppo mẹ to samedi afọnnu de. Yé tindo yanwle vonọtaun de to ayiha mẹ—yedọ alọgọna mẹhe tin to agun lọ mẹ he tindo nuhudo alọgọ tọn na pipenukundo owhé yétọn go lẹ.

Delẹ to mẹhe tin to nuhudo mẹ lẹ yin mẹjitọ godoponọ lẹ, asuṣiọsi lẹ, po mẹho asu po asi po lẹ po. Nuhudo omẹ ehelẹ tọn bẹ ohọ̀ yétọn lẹ ta jijlado, súsú azà mọto zedotẹn tọn, yíyí miyọn hihọ basinamẹ tọn lẹ do họ̀nto, ohọ̀n mọto zedotẹn de tọn didó, osẹ̀nsadonu, atín lẹ jijlado, po azọ́n devo lẹ po. Awuwle na azọ́n lọ bẹjẹeji na nuhe hú osùn dopo jẹnukọn whenuena nuhudo lẹ yin yinyọnẹn bọ nuyizan lẹ yin mimọyí.

To samedi he yin titobasina lọ gbè, awuwle godo tọn lẹ yin bibasi to nududu afọnnu tọn whenu. Azọ́nwatọ lẹ yin titobasina do gọnugọnu, podọ gọnu dopodopo mọ azọ́ndenamẹ taun lẹ yí. Yọnnu lẹ basi awuwle kọfanamẹnu lẹ, gọna nududu whemẹ tọn. Nuyiwa azán lọ gbè tọn ma tindo nuyiwadomẹji jiawu do kiki enẹnọ he sin owhé yin jijlado lẹ kẹdẹ ji gba ṣigba do mẹhe tin to agun lọ mẹ lẹpo ji. (Pọ́n g-F 22/2/93, weda 31)