Plidopọ “Jiawu” de Yin Pipà

NULILA basitọ ladio tọn de to Lima, Pérou, tindo ayihaawe sinsinyẹn dogbọn Kunnudetọ Jehovah Tọn lẹ dali. Ṣigba, to plidopọ agbegbe yetọn dopo yìyì godo, walọyizan etọn lẹ diọ taun po awuyiya po. Na nugbo tọn, e yin nuyiwadeji sọmọ bọ e dọ hodidọ dagbe delẹ to ladio mẹ na todoaitọ etọn lẹ. Nuhe bọdego ehelẹ yin apadewhe nuhe e dọ tọn:

“Plidopọ lọ yin nujiawu de taun. Wema tintlẹn de matin to aigba mọjanwẹ nusàtọ de matin to lẹdo lọ mẹ do. Aliho jinján de matin. Gbẹtọ fọtọ́n atọ́n e lan fọde lẹ yì aihundatẹn lọ matin yinyin hinhẹn po huhlọn po, dopodopo yetọn lẹ hẹn sìndàpanu, avọkija, nuhe nọ súnsún dihó sẹ̀, gbobẹpanu, akiza, gbobẹplinu, nuhe yè nọ do alọ, po adí po nado klọ́ bosọ hẹn ofi lọ jẹ wiwe. Fihe osẹ̀n yin nuhudo etọn tindo te lẹ, yé nọ zindonukọn bo nọ sá osẹ̀n do. Podọ fie wẹ akuẹ lọ wá sọn? Yé jọ akuẹ lọ na yedelẹ! To whenuena yé yin didọna dọ nude dona yin wiwà, to afọdopolọji dopodopo yetọn nọ do alọ apò mẹ bo nọ dè akuẹ tọ́n. Yẹn dọna we, Ṣọṣi Katholiki Tọn to amlọngọsa to whenuena e wá jẹ whẹho mọnkọtọn lẹ ji. Yẹn jlo na na pipà Kunnudetọ Jehovah Tọn lẹ po nukunpedonugotọ nujijọ ehe tọn lẹ po. Podọ yẹn jlo nado dọ hlan yé po ahun dopo po dọ, Na Jiwheyẹwhe ni gọalọna mì bosọ dona mì.”

To todaho lẹ mẹ lẹdo aihọn pé to owhe ehe mẹ, Kunnudetọ Jehovah Tọn lẹ na duvivi Plidopọ Agbegbe “Aliho Jiwheyẹwhe Tọn na Gbẹninọ” tọn. Be hiẹ na tin to finẹ ya?

[Blurb to weda 32]

“Wema tintlẹn de matin to aigba”