Todowhinnu Hosọ lẹ Tọn

Sọn hohowhenu gbọ́n wẹ hànjiji ko yin adà tangan sinsẹ̀n-bibasi tọn de na omẹ Jehovah tọn lẹ. Etomọṣo, mẹdelẹ sọgan nọma voawu nado jihàn to mẹmẹ. Nawẹ mí sọgan duto obu lọ nado yí kọnugbè mítọn do jihàn pipà tọn lẹ hlan Jehovah ji gbọn? Hosọ ehe do whẹwhinwhẹ́n he wutu mí dona nọ yí ayajẹ do jihàn lẹ hia bo na mí ayinamẹ delẹ gando lehe mí gán hẹn kọnugbè mítọn pọnte do go.

Nuhọakuẹ susu wẹ mí gán plọn sọn tito tòdaho fibẹtado tọn lẹ tọn he yin zizedai to Islaeli hohowhenu tọn mẹ. To hosọ tintan mẹ, mí na mọ lehe mẹhe waylando lẹ sọgan dín fibẹtado to Jehovah mẹ to egbehe do. To hosọ awetọ mẹ, mí na plọn lehe apajlẹ Jehovah tọn na gọalọna mí nado nọ jona mẹdevo lẹ bo nọ na sisi ogbẹ̀ bosọ nọ yinuwa po whẹdida dodo po do.

Hosọ awe ehelẹ sinai do ayinamẹ he Paulu na Klistiani Kolosi tọn lẹ to gbọdo glọ ji. Hosọ tintan dọhodo nuhe mí dona wà eyin mí pehẹ nulẹnpọn aihọn tọn de he taidi nuhe dọnmẹ kavi sọgbe to nukun mítọn mẹ ji. Hosọ awetọ flinnu mí gando lehe mí na dapana nuhe gán hò dona he Jehovah dopà etọn na mí lẹ yí sọn mí si lẹ do go.