GBẸZAN KLISTIANI TỌN

Hẹn Lizọnyizọn Towe Pọnte Dogọ—Plọnazọ́n Nuplọntọ Towe Nado Nọ Wleawu

NUHEWUTU E DO YIN NUJỌNU: Eyin Biblu plọntọ lẹ nọ wleawu, yé sọgan nọ yawu mọnukunnujẹ nuhe mí to pinplọn yé lẹ mẹ bo na nọ flin yé. Lehe yé nọ mọnukunnujẹnumẹ bo nọ flinnu sọ, mọ wẹ yé na yawu yinukọn do niyẹn. Etlẹ yin to baptẹm yíyí godo, e na gbẹ́ biọ dọ yé ni nọ wleawuna opli lẹ po lizọnyizọn lọ po nado “gbọṣi nukle.” (Mt 25:13) Enẹwutu, eyin yé yọ́n lehe yè nọ plọnnu do, bo tindo aṣa nupinplọn tọn dagbe, ehe na hẹn ale wá na yé to gbẹzan yetọn blebu mẹ. Sọn bẹjẹeji wẹ mí dona nọ gọalọna Biblu plọntọ mítọn lẹ nado tindo aṣa lọ nado nọ wleawudaina oplọn lẹ.

LEHE MÍ SỌGAN WÀMỌ DO:

Ze apajlẹ dagbe dai. (Lo 2:21) Nọ wleawuna oplọn dopodopo sọgbe hẹ nuhudo nuplọntọ lọ tọn. (km 11/15 3) Nọ dike ni mọ lehe a zẹhudo owe towe mẹ do
Nọ na tuli i nado nọ wleawu. Tlolo he mì jẹ nuplọn ji, dohia ẹ dọ awuwiwle yin apadewhe Biblu pinplọn tọn bo dọ ale he e nọ hẹnwa lẹ na ẹn. Dọ lehe e sọgan nọ de whenu dovo nado wleawu do na ẹn. Nuplọnmẹtọ delẹ nọ dike nuplọntọ lọ ni yí owe yetọn he mẹ yé zẹhudo zan to nupinplọn de whenu, na ehe nido gọalọna ẹn nado mọ ale he to e mẹ lẹ. Nọ pà ẹ eyin e wleawu
Do lehe e na nọ wleawu do hia ẹ. To bẹjẹeji, nuplọnmẹtọ delẹ nọ yí ojlẹ nupinplọn dopo blebu tọn zan nado dohia nuplọntọ lọ lehe e na nọ wleawuna nupinplọn lọ lẹ do