Jiwheyẹwhe Dọ Dọ Singigọ de Na Wá—Mẹnu lẹ Wẹ Dotoai? Mẹnu lẹ Wẹ Ma Wàmọ?

Suhugan mẹhe nọgbẹ̀ to ojlẹ Noa tọn mẹ lẹ tọn wẹ wà nuhe ylan. Gẹnẹsisi 6:5

Adam po Evi po ji ovi lẹ bọ gbẹtọ lẹ wá sù to aigba ji. To nukọn mẹ, angẹli delẹ ṣiatẹ bo kọnawudopọ hẹ Satani.

Yé ze agbasa gbẹtọ tọn do bo wá aigba ji nado sọgan wlealọ hẹ yọnnu lẹ. Yọnnu lọ lẹ ji sunnu asuka he ylanhùn bo dohuhlọn taun lẹ.

Aihọn wá gọ́ na gbẹtọ he nọ wà nuylankan lẹ. Biblu dọmọ: “Kanyinylan gbẹtọ tọn sù gbau to aigba [ji], podọ ayilinlẹn ayiha etọn mẹ tọn lẹpo oylan dódó wẹ to whepoponu.”

Noa dotoaina Jiwheyẹwhe bo gbá aki de. Gẹnẹsisi 6:13, 14, 18, 19, 22

Noa yin gbẹtọ dagbe de. Jehovah dọna Noa dọ Emi na và mẹylankan lẹ sudo po singigọ de po.

Jiwheyẹwhe sọ dọna Noa nado gbá tọjihun daho de, he nọ yin yiylọdọ aki, bo bẹ whẹndo etọn po kanlin wunmẹ lẹpo po do e mẹ.

Noa na avase gbẹtọ lẹ gando Singigọ he ja lọ go, ṣigba yé ma dotoaina ẹn. Mẹdelẹ kò Noa; mẹdevo lẹ gbẹwanna ẹn.

Whenue Noa gbá aki lọ fó, e bẹ kanlin lẹ do e mẹ.