E Gblewhẹdo Aihọn Lọ

TO OJLẸ Enọku tọn godo, visunnu gbigbọmẹ tọn Jiwheyẹwhe tọn delẹ lẹzun atẹṣitọ to olọn mẹ. Na angẹli ylankan ehelẹ tindo ojlo zogbe na yọnnu lẹ wutu, yé ze agbasa gbẹtọvi tọn do bo wá aigba ji bosọ dà yọnnu he yé tindo ojlo na lẹpo taidi asi. Visunnu he yé ji lẹ yin gbẹtọvi daa angẹli daa lẹ, yèdọ asuka danuwatọ podọ kanylantọ godo tọn he nọ yin yiylọdọ Nẹfilimi lẹ. Taidi kọdetọn de, gbẹtọvi lẹ lẹzun kanylantọ taun hugan gbede pọ́n tọn. To nukun Jiwheyẹwhe tọn mẹ, nudida whanpẹnọ etọn, enẹ wẹ pipli gbẹtọvi lẹ tọn he to aigba ji ko yin hinhẹnflu. Amọ́, mẹdopo uwọ gbọnvo pete, enẹ wẹ ovivi-vivi Enọku tọn, yèdọ Noa.

Noa whẹ́n bo lẹzun dawe dodonọ de taidi Enọku. Mí hia dọmọ: “Noa sọ zinzọnlin hẹ Jiwheyẹwhe nugbo lọ.” To nukọn mẹ, e wlealọ podọ ewọ po asi etọn po plọn visunnu yetọn atọ̀n lẹ lọsu nado nọ setonuna Jehovah. Ehe zọ́n bọ whẹndo lọ gbọnvona mẹhe lẹdo yé lẹpo.

To gbèdopo, Jehovah dọna Noa dọ Emi ko de nado và mẹylankan he to aigba ji lẹpo sudo. Amọ́, Jehovah sọ na todido Noa—Ewọ biọ to e si nado gbá tọjihun daho kavi aki de, na e nido whlẹn mẹdelẹ gán. Noa ma ko mọ bọ Singigọ daho de wá aigba blebu ji pọ́n gbede, dile Jehovah dọ dọdai etọn do. Mọ e ma ko yin azọ́ndena nado gbá aki daho blibata ehe nkọ pọ́n. Etomọṣo, e dejido opagbe Jehovah tọn lẹ go, bo jẹ azọ́n ji.

Noa po whẹndo etọn po do hudo adọgbigbo tọn nado wazọ́n ehe. Yé na ko pehẹ nukundiọsọmẹ sinsinyẹn po mẹṣanko po. Ayihaawe matin dọ angẹli he ze agbasa gbẹtọvi tọn do lọ lẹ yin kẹntọ he dobu taun lẹ, podọ ovi asuka he yé ji lẹ na ko yin kanylantọ lẹ. Ṣigba, Noa, asi nugbonọ etọn, visunnu yetọn atọ̀n lẹ po asi yetọn lẹ po, yèdọ yé omẹ ṣinatọ̀n lẹ, ylọ azọ́n yetọn dọ nujọnu. Yé wazọ́n sinsinyẹn na owhe susu, vlavo na nudi owhe 50 nado gbá aki lọ. Podọ vudevude, yé jẹ yanwle yetọn kọ̀n.

To ojlẹ enẹ lẹpo mẹ, Noa sọ wà nudevo. Tọgbo ehe wá yin yinyọnẹn to nukọn mẹ taidi “yẹwhehodọtọ dodo tọn” de. Taidi tatọ́ whẹndo tọn de, e yin nukọntọ to avase nina mẹlẹ gando vasudo he ja lọ go mẹ. Amọ́, depope to kọmẹnu etọn lẹ mẹ ma dotoaina ẹn. Etlẹ taidi dọ susu to hẹnnumẹ Noa tọn lẹ mẹ gbẹ́ ohó etọn dai. Mẹlọ lẹ ma jlo na diọ aliho kanyinylan tọn yetọn lẹ. Lehe dawe he tindo yise ehe gbọnvona mẹhe lẹdo e lẹ do sọ! Abajọ Biblu do dọ gando Noa go dọ: “Gbọn yise ehe dali, e gblewhẹdo aihọn lọ.”

To godo mẹ, yé gbá aki lọ fó. Todin, Noa po whẹndo etọn po dona bẹ nuhe yewlẹ gọna kanlin he na biọ aki lọ mẹ lẹ na do hudo etọn lẹ pli do e mẹ. To nukọn mẹ, nujiawu de jọ. Kanlin wunmẹ lẹpo, yèdọ asu de asi de, jẹ wiwọ̀ wá aki lọ kọ̀n ji! “Yé sọ biọ aki lọ mẹ yì Noa dè awe-awe” na yede.

Na jikun lọ na bẹ to azán ṣinawe godo wutu, Jiwheyẹwhe degbena Noa nado biọ aki lọ mẹ po whẹndo etọn po. Yí nukun homẹ tọn do pọ́n lehe whẹndo lọ na ko to azọ́nwa klinkán-klinkán do sọ nado bẹ onú godo tọn he yé do hudo etọn lẹ biọ aki lọ mẹ, bosọ to nulẹ tò do e mẹ. Vlavo mẹlẹ gán ko to yé ṣanko mapote. Amọ́, to whenue nulẹpo ko biọ aki lọ mẹ godo, Jehovah lọsu wẹ sú ohọ̀n lọ. Ehe gán ko bọnùdo na mẹṣankotọ lọ lẹ. Enẹgodo, jikun bẹ po zingidi po! Bọ osin gọ́ aigba lọ ji. Osin lọ fọ́n bo to susudeji na azán 40, kakajẹ whenue osó lẹ bu pete. Gbọnmọ dali, Jehovah de kanyinylan sẹ̀ sọn aigba ji mlẹnmlẹn.

Na owhe dopo linlán, Noa po whẹndo etọn po nọ hihọ́ glọ to aki lọ mẹ. To ojlẹ enẹ lẹpo mẹ, singigọ lọ jẹ didepo ji vudevude. To godo mẹ, aki lọ glin do osó de ji bọ Jehovah dọna Noa dọ ojlẹ ko sọ̀ nado tọ́njẹgbonu. To whenue whẹndo lọ tọ́n sọn aki lọ mẹ, yé sẹ̀n Jehovah bo dopẹ́ dọ ewọ ko whlẹn yé. Jehovah dopà dọ singigọ mọnkọ ma nasọ wá aigba ji gbede ba, podọ e yí aidowhẹdo zan taidi ohia de dọ emi na to nugbonọ yin na opà emitọn zọnmii.

Gbẹtọvi he to aigba ji to egbé lẹpo wẹ wá sọn whẹndo enẹ mẹ. Mí sọ tindo whẹwhinwhẹ́n lẹpo nado do pinpẹn-nutọn-yinyọnẹn hia yé, na yé do adọgbigbo hia bosọ gbọnvo to aihọn ylankan de mẹ wutu!

Hia nujijọ lọ to Biblu mẹ:

• Jenẹsisi 6:1–8:22; 9:8-19

• Heblu lẹ 11:7

• 2 Pita 2:5

Na hodọdopọ:

Aliho tẹlẹ mẹ wẹ Noa do adọgbigbo hia te?

Dindonanu Dogọ

1. 1. Nawẹ nulẹ te do to aihọn lọ mẹ jẹnukọnna Singigọ lọ? (w02 1/3 5 huk. 3-6 huk. 4)

   Gblọndo towe

2. 2. Whetẹnu wẹ yè degbena Noa nado gbá aki lọ? Whetẹnu wẹ e wá yọ́n whenue Singigọ na bẹjẹeji pẹẹ te? (w12 15/4 23 huk. 5-8)

   Gblọndo towe

3. 3. Naegbọn mí gán kudeji dọ Singigọ lọ wá aimẹ nugbonugbo? (ijwbq hosọ 156tọ huk. 2-5, apotin) A

   Gblọndo towe

   

   Historic Collection/Alamy Stock Photo

4. 4. Etẹwẹ jọ to owhe kanweko linlán to Singigọ lọ godo, podọ nawẹ nujijọ enẹ na ko yinuwado Noa mẹhomẹ lọ ji gbọn? (it “Noa” Sọha 1, huk. 12-wcgr) B

   Gblọndo towe

   

Yí Nuplọnmẹ lọ lẹ Do Yizan Mẹ

• Nawẹ ojlẹ mítọn taidi azán Noa tọn lẹ gbọn? (Mat. 24:36-39)

  Gblọndo towe

• Etẹwẹ apajlẹ Noa tọn plọn we na nuhe dù nuhewutu e do yin nujọnu nado nọ . . .

  • nọ̀ titoji? C

    Gblọndo towe

    

  • wazọ́n sinsinyẹn? D

    Gblọndo towe

    

  • fahomẹ? E

    Gblọndo towe

    

• Nawẹ a sọgan yin adọgbotọ taidi Noa to gbẹzan towe mẹ gbọn?

  Gblọndo towe

Lẹnnupọn Yinukọn

• Etẹwẹ kandai ehe plọn mi gando Jehovah go?

  Gblọndo towe

• Kanṣiṣa tẹwẹ tin to kandai ehe po lẹndai Jiwheyẹwhe tọn lẹ po ṣẹnṣẹn?

  Gblọndo towe

• Kanbiọ tẹlẹ wẹ e na jlo mi nado kanse Noa to fọnsọnku whenu?

  Gblọndo towe

Plọnnu Dogọ

Pọ́n lehe tatọ́ whẹndo tọn de nọ wazọ́n sinsinyẹn taidi Noa do.

Nọ Hodo Apajlẹ Mẹhe Tindo Yise lẹ Tọn, Kakati Nido Yin Mẹhe Ma Wàmọ lẹ Tọn—Noa, Kakati Nido Yin Kọmẹnu Etọn Lẹ (2:57)

Gọalọna ovi towe lẹ nado plọnnu sọn Noa dè.

“Noa Do Yise Hia to Jiwheyẹwhe Mẹ” (ijwis hosọ 18tọ)