Be Kunnudetọ Jehovah Tọn lẹ Nọ Diọnukunsọ Sinsẹ̀n He Pò lẹ Wẹ Ya?

Mí nọ hodo ayinamẹ Biblu tọn he biọ dọ mí ni “nọ doyẹyigona gbẹtọ lẹpo,” mahopọnna nuhe yé yise. (1 Pita 2:17, Biblu Wiwe lọ​—Gun Alada) Di apajlẹ, Kunnudetọ Jehovah tọn fọtọ́n donu kanweko susu lẹ wẹ tin to otò delẹ mẹ. Etomọṣo, mí ma nọ do ṣọ̀ṣọ̀ na tonudọtọ lẹ kavi sẹ́ndoaitọ lẹ na yé nido dekanpona nuwiwa sinsẹ̀n he to otò enẹlẹ mẹ lẹ tọn kavi doalọtena yé. Podọ mí ma nọ basi nujijla dọ osẹ́n ni hẹn mẹlẹpo nado hodo walọyizan kavi nuyise sinsẹ̀n mítọn tọn lẹ. Kakatimọ, lehe mí nọ jlo dọ gbẹtọ lẹ ni yinuwa hẹ mí po homẹdagbe po do, mọ wẹ mílọsu nọ wà na yé do ga.​—Matiu 7:12.