Nudọnamẹ Odò Tọn

c Zẹẹmẹbasitọ lẹ ko doayi e go dọ owanyina akọta, na nugbo tọn, yin sinsẹ̀n de. Nalete, omẹ he yiwanna akọta lẹ, na nugbo tọn, to sinsẹ̀n-basi hlan ada kanlin ylankan lọ tọn he nọtena otò he mẹ yé tin te lọ. Na nuhe du owanyina akọta to Etats-Unis mẹ, mí hia: “Owanyina akọta, he yin pinpọndohlan taidi sinsẹ̀n de, tindo nususu to pọninọ mẹ po titonu sinsẹ̀n daho devo he yin hohowhenu tọn lẹ po . . . To egbehe mẹhe yi owanyi na akọta do basi sinsẹ̀n etọn tin to lẹnpọn mẹ hlan mẹglọnọ-yinyin etọn hlan yẹwhe akọta tọn etọn. E tindo numọtolanmẹ nuhudo alọgọ huhlọn Etọn tọn. To Ewọ mẹ wẹ e doayi asisa pipe po ayajẹ etọn titi po go te. Na Ewọ, to zẹẹmẹ sinsẹ̀n tọn tangan de mẹ, e nọ litai hlan. . . . Yè nọ lẹn akọta lẹ pọn taidi madopodo, podọ oku visunnu nugbonọ etọn lẹ tọn ma yí nudevo wà gba ṣigba nado yidogọ na oyin daho po gigo etọn po.”—Carlton J. F. Hayes, dile e yin hodọdego to weda 359 owe lọ tọn he yin What Americans Believe and How They Worship, dogbọn J. Paul Williams dali.