• Nawẹ Ogbẹ̀ Bẹjẹeji Gbọn?
    Duvivi Ogbẹ̀ Tọn Kakadoi!—Hodọdopọ Sinai Do Biblu Ji

    • 3. Etẹwẹ gbẹtọvi lẹ yí do gbọnvona kanlin lẹ?

      Whenue Jehovah ko dá aigba godo, e dá nutogbẹ̀ lẹ do e ji. Atin po kanlin lẹ po wẹ e dá deji jẹnukọn. Enẹgodo, “Jiwheyẹwhe sọ dá gbẹtọ to apajlẹ etọn mẹ.” (Hia Jenẹsisi 1:27.) Etẹwẹ gbẹtọvi lẹ yí do gbọnvo? Na mí yin didá to apajlẹ Jiwheyẹwhe tọn mẹ wutu, mí gán nọ do jẹhẹnu etọn lẹ hia, taidi owanyi po whẹdida dodo po. Humọ, e sọ dá mí po nugopipe lọ po nado nọ plọn ogbè devo lẹ, yọ́n pinpẹn anazọ́n lẹ tọn bosọ duvivi nuhiho tọn. Gbọnvona kanlin lẹ, mí gán basi sinsẹ̀n hlan Mẹdatọ mítọn.

  • Nawẹ Ogbẹ̀ Bẹjẹeji Gbọn?
    Duvivi Ogbẹ̀ Tọn Kakadoi!—Hodọdopọ Sinai Do Biblu Ji

    • 5. Nuhe Biblu dọ gando nudida lẹ go sọgbe hẹ lẹnpọn dagbe

      To Jenẹsisi weta 1 mẹ, Biblu basi zẹẹmẹ do lehe aigba yin didá do, po lehe ogbẹ̀ bẹjẹeji do po ji. Be a gán dejido kandai enẹ go, kavi a lẹndọ otàngblo de poun wẹ ya? Hò VIDEO lọ, enẹgodo dọhodo kanbiọ ehelẹ ji.

      VIDEO: Be Wẹkẹ lọ Yin Didá Wẹ Ya?—Adà Kleun De (3:51)

      Bẹplidopọ yẹdide tọn: Yẹdide de sọn video lọ ‘Be Wẹkẹ lọ Yin Didá Wẹ Ya?—Adà Kleun De’ mẹ. 1. Lehe mẹhe to aigba ji de gán pọ́n azán ṣidopo he gblamẹ nulẹ yin didá te hlan do 2. Owhè, aigba-klo, atin, ohẹ̀, kanlin aigba ji tọn lẹ po gbẹtọ po tin to aigba ji, to azán ṣidopo he gblamẹ nulẹ yin didá te godo.

      • Be Biblu plọnmẹ dọ aigba po nuhe tin to e ji lẹ po yin didá to azán gànhiho 24 tọn donù ṣidopo gblamẹ wẹ ya?

      • Be a lẹndọ kandai Biblu tọn gando nudida lẹ go sọgbe hẹ lẹnpọn dagbe ya? Naegbọn a do lẹnmọ?

      Hia Jenẹsisi 1:1, enẹgodo dọhodo kanbiọ ehe ji:

      • Lẹnunnuyọnẹntọ lẹ yigbe dọ wẹkẹ lọ do bẹjẹeji. Nawẹ gbèta he kọ̀n yé wá sọgbe hẹ nuhe a ṣẹṣẹ hia to Biblu mẹ gbọn?

      Mẹdelẹ nọ lẹndọ Jiwheyẹwhe basi nulẹ to aliho de mẹ bọ nudida lẹ nọ wá aimẹ na yede. Hia Jenẹsisi 1:21, 25, 27, enẹgodo dọhodo kanbiọ ehelẹ ji:

      • Be Biblu plọnmẹ dọ Jiwheyẹwhe dá nutogbẹ̀ wunmẹ de, he wá diọ ede zun nutogbẹ̀ wunmẹ voovo lẹ, taidi whèvi, kanlin po gbẹtọ lẹ po wẹ ya? Kavi be ewọ lọsu wẹ dá nutogbẹ̀ “wunmẹwunmẹ” he tin lẹ tlọlọ ya?b